1973an desagertutako 3 galiziarren kasua argitzeko laguntza eskatu du Jaurlaritzak
1973an desagertutako hiru gazte galiziarren kasuaren inguruan Frantziak eta Espainiak egindako ikerketa "oso eskasa" izan zela ondorioztatzen duen ikerketa aurkeztu du gaur goizean Eusko Jaurlaritzak. Hala, laguntza eskatu dio bai ETAri bai informazioren bat izan dezakeen edonori, kasua argitu ahal izateko.
Jonan Fernandez Jaurlaritzako Giza Eskubide, Bizikidetza eta Lankidetza idazkari nagusiaz gain, txostenaren egileek hartu dute parte aurkezpeneko prentsaurrekoan: Bertha Gaztelumendik eta Jon Mirena Landa EHUko Giza Eskubide eta Botere Publikoen katedrako arduradunak.
Argitu gabeko kasuaren inguruan dauden kazetaritza-datuak eta informazio judiziala bildu dute txostenean. 45 urte bete dira desagertu zirenez gero. Besteak beste, Frantziak eta Espainiak egindako ikerketa "oso eskasa" izan zela ondorioztatu dutela azaldu du Landak.
Ondoren jakinarazitakoarean arabera, Humberto Fouz Escobero, Fernando Quiroga eta Jorge Garcia Carneiro Irunen bizi ziren, etxean bazkaldu zuten 1973ko martxoaren 24 hartan eta kartetan jokatzen ibili ostean, Iparraldera joan ziren pelikula bat ikustera joateko asmoz.
Hipotesi nagusiak "ETAren edo euskal errefuxiatuen inguruan" kokatu zuen kasua. Antza denez, Iparraldeko tabernaren batean hiru galizarrekin topo egin zutela azaldu du Fernandezek.
Hedabideek emandako bertsioari erreparatuz gero, Biarritzera zihoazela polizia espainiarrekin nahastu ostean, jo egin omen zieten, kotxe batean sartu, hil eta desagertarazi egin zituzten.
"Gizatasunagatik eta familien sufrimenduarekin enpatia izateko, gertatutakoari buruz edozein datu edo informazio izanez gero, jakinarazi dezan eskatzen dugu", esan du Fernandezek. Eusko Jaurlaritzak desagertuak@euskadi.eus helbide elektronikoa aktibatu du.
Ikerketa
40 urtetan bi ikerketa judizial abiatu zituztela zehaztu du txostenak, eta biak itxi egin zituztela. Horietako bakarra ikusi ahal izan dutela baieztatu du Landak: Donostiako hirugarren instrukzio epaitegiak egindakoa. 2005ean Auzitegi Nazionalak egindako sumariora, berriz, ez dutela sarbiderik izan esan du.
Albiste gehiago politika
EAJ Koldo auziari buruzko informazio gehiago izateko zain dago, erabaki bat hartu aurretik
Iñigo Ansola Bizkaiko EAJko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago "egoera aztertzeko eta hurrengo pausuak erabakitzeko".
Sumar PSOErekin bilduko da asteazken honetan koalizioa aztertzeko
PSOEri demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek.
PPk Sanchezen bazkideekin bilera erronda egingo du, PSOE babesten jarraitzen duten jakiteko
"Bere bigarrenak espetxean egin du lo, baina Sanchezek jarraitu nahi du. Zentzugabekeria da", ohartarazi du PPren buruak, X sare sozialean zabaldutako mezu batean.
Gamarrak PPren idazkari nagusia izateari utziko dio asteburu honetan; nork ordezkatuko du?
Hala ere, Alberto Nuñez Feijooren hurbileko izaten jarraituko du Gamarrak; izan ere, alderdiaren Justizia arloa zuzenduko du, ziurrenik. Miguel Tellado da Gamarra ordezkatzeko hautagaietako bat, PPk Kongresuan duen bozeramailea bera.
Zergatik uste du epaileak Cerdanek “egozten zaizkion gertakarietan” parte hartu zuela? Atzemandako zantzuak, hemen
Ikerketa egiten ari den Leopoldo Puente epailearen iritzian, sozialisten buruzagi ohia “arduratzen zen eraikuntzako enpresei dirua eskatzeaz”. “Nolabaiteko nagusitasunezko harreman bertikala zeukan Abalosekin eta Garciarekin”, dio ebazpenean, eta uste du haiei ematen ziela jasotako dirua.
Sanchezek dio irmotasunez jokatu zutela Cerdanekin eta orain justiziaren garaia dela
Alderdiak erantzukizun politikoak bere gain hartu zituela eta Cerdan alderditik baztertu zutela azpimarratu Espainiako presidenteak. Ikuspuntu politikoaren harira, PSOEren jarrera beste alderdi batzuen "oso bestelakoa" dela esan du. Feijook Sanchezen dimisioa eta hauteskundeak aurreratzea eskatu du berriro.
EAJk ez du onartu, "inolaz ere", alderdia Cerdan, Abalos eta Koldoren auziarekin lotzea
Alderdi jeltzaleak argitu duenez, zentsura-mozioa babestu zuen 'Gurtel auzi'ko epaiaren ostean, PPk ez zuelako erantzukizunik bere gain hartu. Gainera, argi utzi nahi izan dute Antxon Alonsok ez zuela horretan eraginik izan.
Santos Cerdan behin-behinean espetxera bidali du Auzitegi Gorenak
Autoaren arabera, Cerdanek jasotzen eta banatzen zituen legez kanpoko eskupekoak. Bera omen zen enpresekin bitartekari aritzen zena. PSOEko buruzagi ohia Madrilgo Soto del Real presondegian espetxeratu dute dagoeneko.
Chivitek azpimarratu du UCOren txostenak ez duela Belateko tunelen obren esleipena aipatzen
Nafarroako presidenteak, UPNren eta PPNren galderei erantzunez, gogorarazi du Nafarroako Kontuen Ganberaren txostenean ere ez zela zalantzan jarri esleipena.
Jaurlaritzak 31 lan-saio egingo dituela iragarri du, Euskadiko segurtasun integralari buruz hausnartzeko eta eztabaidatzeko
Eusko Jaurlaritzak sustatutako Basque Segurtasuna Foroak bere bidea hasi du, segurtasun integralari buruzko hausnarketa eta diagnostiko partekatua lantzeko helburuz. Lehen lan-saioa datorren uztailaren 9an izango da, Sodupen (Gueñes).