Errektorea Cifuentesen masterrari buruz: 'Ez dago aktarik eta Master Amaierako lanik'
Javier Ramos Juan Carlos erregea Unibertsitateko errektoreak gaur ziurtatu duenez, ez dago Cristina Cifuentesen Master Amaierako Lanaren (MAL) jendaurreko defentsaren aktarik eta, beraz, ezin da baieztatu Madrilgo erkidegoko presidenteak defentsa hori egin zuenik.
Ramosek prentsaurrean azaldu duenez, ebaluazio-akta gordetzea "derrigorrezkoa" da, baina ez dago, ezta Master Amaierako Lanaren memoriaren arrastorik ere.
Alicia Lopez de los Mozos irakasleak eskutitza bidali zion unibertsitateari ez zela Cifuentes ebaluatu behar zuen epaimahaiko kide izan eta Madrilgo presidenteak erakutsi zuen aktako sinadura ez zela berea argudiatuz. Horren ondotik, auzia Fiskaltzaren esku uztea erabaki zuen unibertsitateak eta tramite hori gaur gauzatu du.
Juan Carlos erregea Unibertsitateak Alvarez Conde masterreko zuzendariaren eta Pablo Chico irakaslearen idatziak, aktak eta Lopez de los Mozos irakaslearen eskutitza aurkeztu ditu Fiskaltzaren aurrean.
Bestalde, ukatu egin du bera edota unibertsitateko gobernuko beste kideren bat Cristina Cifuentesen akta faltsutzen ahalegindu denik, masterreko zuzendariak gaur goizean esandakoaren aurka.
Enrique Alvarez Conde masterreko zuzendariak ostiral honetan onartu duenez, Juan Carlos erregea Unibertsitateko errektoreak aginduta, Cristina Cifuentesen Master Amaierako Lana epaitzeko epaimahaiak ustez egin zuen akta berreraiki zuen martxoaren 21ean. Akusazio horiek guztiak ukatu ditu errektoreak eta ez du baztertzen auzibidea hastea. Gaineratu duenez, akatsak egin ahal izan baditu ere, ez du "inoiz" legez kanpoko ezer egin.
Cristina Cifuentes: "Ez dut dimitituko"
Madrilgo erkidegoko presidenteak jakinarazi duenez, ez du legez kanpoko ezer egin, ez du gezurrik esan eta, beraz, ez du dimitituko.
Gaineratu duenez, Juan Carlos erregea Unibertsitatean masterra egin eta bukatu zuen eta Master Amaierako Lana ere aurkeztu zuen.
PPren batzar nazionala hasi aurretik kazetarien aurrean azaldu duenez, unibertsitateari dagokio gauzak argitzea. "Ikasle gisa matrikula egin nuela, ikasgaiak egin nituela eta Master Amaierako Lana gainditu nuela frogatzea dagokit", gaineratu du.
Bestalde, unibertsitatearekiko eta justiziarekiko konfiantza erakutsi du. "Auzitegiek zehaztu ditzatela erantzukizunak. Unibertsitateaz gain, bada beste kaltetu bat: ni neu", azpimarratu du.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.