Preso independentistak aska ditzatela eskatu dute milaka lagunek Bartzelonan
Bartzelonako Espainia Plaza jendez lepo dago igande eguerdi honetan, preso independentisten askatasuna aldarrikatzeko, alderdi independentistek eta elkarte zibilek deitutako manifestazioarekin bat eginda. Kataluniako banderak eta ikur independentistak daramatzate, eta "Bahiturik ez" bezalako leloak irakur daitezke euren pankartetan.
"Eskubide eta askatasunen alde, demokrazia eta batasunaren alde, etxean nahi zaituztegu!" da manifestazioaren leloa, eta Espai Democràcia i Convivència plataformak antolatu du hitzordua. ANCk, Omnium Culturalek, eta Kataluniako CC.OO.k eta UGTk osatzen dute plataforma hura. Manifestazioa berandu abiatu da, jende ugari bildu baita, Espainia Plazatik, Parallel Etorbidetik, eta Hiru Tximinia zonaldean amaituko da, han bertan izango baita amaierako ekitaldia.
Bartzelonako Udaltzaingoaren arabera, 315.000 lagunek parte hartu dute igande honetako martxan. Antolatzaileen arabera, orede, 750.000 lagun inguru izan dira manifestazioan.
Amaiera-ekitaldia
Ibilbidean zehar, hainbat oihu bota dituzte parte-hartzaileek, hala nola, "Ez zaudete bakarrik", "Bake-lagunak gara", "Askatasuna preso politikoentzat", "Puigdemont, presidente".
Manifestazioa 13:45ak aldera amaitu da, eta antolatzaileek agiria irakurri dute, eta Jordi Sanchezen eta Jordi Cuixarten senideek, aldiz, eskutitz bana (presondegitik bidalitako gutunak). Gainera, espetxean dauden Oriol Junqueras, Joaquim Forn, Jordi Turull, Carme Forcadell, Dolors Bassa, Raul Romeva eta Josep Rull ere aske uzteko eskatu dute.
Sei hilabete dira Oriol Junqueras, Jordi Sanchez eta Jordi Cuixart espetxeratu zutenetik.
Kataluniako sindikatuak
Javier Pacheco Kataluniako CC.OO. idazkari nagusiak manifestazioan parte hartzeko deia egin du, Espainiak bizi duen "inboluzio demokratikoaren" aurka egiteko, Kataluniako erakundeak berreskuratzeko eta Gobernua osatu ahal izateko.
Bestalde, Kataluniako UGTren idazkari nagusi den Camil Rosek azpimarratu du premiazkoa dela Gobernua osatzea, agenda politikoa eta soziala abian jartzeko. "Ez da unea epaiketak, 155. artikulua edo atxiloketak izateko", adierazi du martxan parte hartu aurretik, kazetarien aurrean.
PDeCAT
Marta Pascal PDeCATeko koordinadotzaileak preso independentistak aska ditzatela eskatu du, eta atzerrian dauden politikari katalanen itzulera, zigorrik gabe. "Askatasun kolektiboaren eta indibidualaren alde borrokatu behar dugu, askatasunik ez duen jendea ere dagoelako", esan du. Gainera, adierazi du Katalunian Gobernua osatu behar dela lehenbailehen, "155. artikulu ziztrinarekin amaitzeko".
Roger Torrent Kataluniako Parlamentuko presidentea ere Bartzelonako martxan izan da, eta esan du ezinbestekoa dela fronte bateratua sortzea independentismoaren aurka Estatuak abiatutako ekintzari aurre egiteko: "transbertsalak eta anitzak garenean, eskubideen eta demokraziaren defentsan batzen garenean, geldiezinak gara".
Manifestaziora joateko espetxeratuen deia
Carles Puigdemont Kataluniako presidente ohiak eta kartzelan diren Jordi Sanchez nahiz Jordi Turull JxCateko diputatuek Bartzelonako kaleak betetzeko deia egin diete herritarrei. 12:30ean hasiko da "Espai Democracia i Convivencia" plataformak kartzelan diren politikari subiranisten eta erbestean direnenen askatasuna eskatzeko manifestazioa.
Jordi Sanchez ANCeko presidente ohiak 6 hilabete betetzen ditu gaur espetxean, Jordi Cuixart Omnium Culturaleko presidenteak bezala. Twitter bidez zabaldutako mezuan, "gaur 12:30ean bete dezagun Parallela" eskatu du. Llarena epaileak aste honetan bertan presidente inbestitzeko aukera ukatu dio. "Elkarbizita, zibismoa eta mundu guztiarekiko errespetuta gailendu dadila, pentsatzen duena pentsatzen duela ere" idatzi du.
Carles Puigdemontek ere Twitter aukeratu du jarraitzaileei idazteko: "guztion artean berriz ere josiko dugu Estatu autoritario honek urratzen digun askatasuna". "Bake eta duintasun manifestazio itzela izango da:
Estremerako kartzelan dagoen Jordi Turull diputatuak ere mezu hau zabaldu du Twitter bidez: "zuetako askok Bartzelonako kaleak askatasun oihuz beteko dituzue. Guk hiru kartzela duintasunez beteko ditugu".
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.