Egoerak eskatzen duen neurriko jarrera falta zaiola EAJri esan du Otegik
Atzo ETAk publiko egindako agiriaren harira, Arnaldo Otegi EH Bilduko koordinatzaile nagusiak esan du EAJri "egoerak eskatzen duen neurriko jarrera" falta zaiola, "pilota beti teilatu berean jartzeko dinamika antzu horretatik ez da mugitzen, eta bitartean, aurrekontuak negoziatzen ditu PPko Gobernuarekin".
"Horrelako egoera batean norbaitek pentsatzea EAJk Ciudadanosekin, PPrekin eta UPNrekin aurrekontuak sinatuko dituela tamalgarria da gure iritziz" esan du Otegik.
EH Bilduk Bilbon egin duen biltzar nazionalean hitz egin du Arnaldo Otegik. "Etorkizunerako inbertsiotzat" jo du ETAk atzo egindako adierazpena: "Ziklo historiko luze bat bukatzen" ari dela esan du, eta orain, ibilbide berri bat zehaztu behar dela presoen gaiari irtenbide bat emateko.
Izan ere, etorkizunera begirako erronken artean bakea egonkortzea, eraikitzea eta garai berriak ekartzea aipatu ditu Otegik, baina lehen helburua euskal presoen gaiari "irtenbide adostua ematea" dela nabarmendu du, eta horretarako, "ibilbide orria" jarri behar dela mahai gainean.
Estatuaren papera eta 155. artikulua
Estatuaren papera ere gogor kritikatu du Otegik. Bere iritziz, "78ko erregimenak joko arauak aldatu ditu berriz ere eta 155a errekuperatuz Arias Navarrok eta Fragak trantsizioan nahi zuten diseinu originala berreskuratu dute: askatasun demokratiko, nazional eta sozial gutxiagoko diseinua".
Zentzu horretan 155a ez dela desagertuko iragarri du, eta "behar dutenean berriz aplikatuko" dutela.
Egoera honetan "EAJk daukagunari eutsi behar diogula esaten du, eta daukaguna garrantzitsua da –onartu du- baina EH Bildutik gogorarazi nahi dugu daukagunaren zati handi bat Garaikoetxeak eraiki zuela, eta bere alderdia, EA, koalizio honetan dagoela" nabarmendu du.
Hala, EAJrekin duten ezberdintasunik handiena ondorengo analisian oinarritzen dela esan du: "guk uste dugu benetan ez daukagula ezer, daukagun guztia egun batetik bestera ken baitiezaguke Estatuak 155a aplikatuz".
Erronka berriak
Mundua "aldatu egin dela" esanez amaitu du hitzaldia Otegik: "ez da erakunde baten zikloa bakarrik amaitzen, baizik eta ziklo politiko luze bat. Ezker abertzaleak XXI. mendean beste erronka batzuk ditu, arazo errealei aurre egin behar diegu: trantsizio energetikoa, langileen eredu produktibo partehartzaile baterako bidea etab."
"Eskuinak ez du agendarik horretarako, soilik ezker independentistak egin dezake hori esan" du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.