EAJk, EH Bilduk eta Podemos Euskadik Kanboko nazioarteko topaketan parte hartuko dute
EAJren Euzkadi Buru Batzarrak (EBB) maiatzaren 4an Kanbon egingo den Euskal Herriko gatazkaren konponbidean aurrera egiteko Nazioarteko Topaketara ordezkaritza bat bidaltzea erabaki du. Antolatzaileen esanetan, Kanboko ekitaldia "bake justu eta iraunkorraren bidean mugarri berri bat" izango da.
EAJko iturriek jakinarazi dutenez, gonbidapen formala jaso ostean erabakiko dute jeltzaleek Kanbora zein ordezkaritza bidali.
Jeltzaleen esanetan, oraindik Kanboko nazioarteko topaketaren inguruko xehetasunak ezagutzen badituzte ere, bertan izango dira aurrez Aieten eta Baionan egon ziren bezala, ekitaldi hori bakeari eta bizikidetzari bultzada emateko aurrerapausoa izango delakoan.
Podemos Euskadik gonbidapena jaso arte ez duela erabakirik hartuko esan du, baina Andeka Larrea alderdiko bozeramaileak iragarritakoaren arabera, baliteke bileran egotea, iaz armagabetze ekitaldian bera eta Pili Zabala legebiltzarkidea izan ziren bezala. EAEko sozialistak Aieten egon ziren baina ez armagabetzean, eta ez dute Kanbon egoteko arrazoirik ikusten; dena den, gonbidapenaren eta ekitaldiaren nondik norakoak ezagutu arte ez omen dute erabakirik hartuko. EH Bilduk, aldiz, ordezkaritza zabala bidaltzea espero dute.
Bestalde, Euskadiko PPk ez du Kanbon parte hartuko. Alfonso Alonso Euskadiko PPko presidenteak "gogoeta" egiteko eskatu die jeltzaleei, "EAJ ETAri agur bero bat ematera joango baita Kanbora, eta hori erabateko hutsegitea da", horren ustez.
Sindikatuen artean, LAB eta ELA bertaratuko dira, eta baliteke Euskadiko UGT eta CCOO ere bertan ordezkatuta egotea.
ETAren amaiera ekitaldia maiatzaren 4an izango da Kanboko Arnaga etxean, Bake Bideko, Foro Sozialeko eta Nazioarteko Harreman Taldeko ordezkariek astelehen arratsaldean Baionan emandako prentsaurrekoan baieztatu zutenez. Erakundeetako arduradunez gain, politikariak, gizarte ordezkariak eta nazioarteko agintariak egongo dira bertan.
Topaketaren antolatzaileek ez zuten ETAren desegitea zuzenean aipatu, baina "laster" behin betiko bakea lortzeko bidean "aurrerapausoak" lortuko direla berretsi zuten, 2011ko urrian ETAk jarduera armatuaren behin betiko amaiera iragarri eta 2017ko apirilean armagabetzea eszenaratu ostean.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.