Josu Urrutikoetxeak eta Marixol Iparragirrek irakurri dute ETAren azken agiria
Josu Urrutikoetxea eta Marixol Iparragirre ETAko bi militante historikok jarri diote ahotsa ETAren azken agiriari.
Urrutikoetxeak ETAren izenean elkarrizketa prozesuetan parte hartu izan du eta Iparragirre, ostera, Euskal Preso Politikoen Kolektiboaren (EPPK) solaskideetako bat da.
ETAn ibilbide luzea egin du Josu Urrutikoetxeak, 70eko hamarkadan hasita. 2002an hura bilatzeko eta atxilotzeko agindua eman zuen Espainiak, baina ez dute topatu.
1989an atxilotu zuten Baionan. Frantziako Justiziak 10 urteko kartzela-zigorra ezarri zion eta, 1996an, Espainiaren esku utzi zuen. Sokoa auziaren baitan, Auzitegi Nazionalak Urrutikoetxea espetxeratzeko agindua eman zuen. Alabaina, 2000. urteko urtarrilaren 14an, Auzitegi Gorenak libre utzi zuen, akusazio horren pean Frantziak epaitu eta zigortu zutelako jada.
Kartzelan zegoela, Euskal Herritarrok taldeko parlamentari izendatu zuten. Eusko Legebiltzarreko Giza Eskubideen Batzordeko kidea izan zen, baita Ugaoko zinegotzia ere.
2002ko azaroan, legebiltzarkide zenean, Auzitegi Gorenak deklaratzera deitu zuen, ETAk 1987an Zaragozako kuartelaren kontra egin zuen atentatuaren harira. Urrutikoetxea, baina, ez zen auzitegira joan eta Gorenak hura bilatzeko eta atxilotzeko agindua eman zuen. Harrezkero, ihesean dago.
Marixol Iparragirre ETAko militante historikoa, berriz, espetxean dago egun.
ETAn 1981an sartu zela uste da. Araba eta Madril taldeetakoa kidea izan zen, 1984-1987 eta 1992-1993 urteetan, hurrenez hurren. Ondoren Frantziara ihes egin zuen.
2004ko urriaren 3an atxilotu zuten, Salis-de-Bearneko etxe batean, Mikel Albisurekin batera. Garai hartan ETAren finantzazioaz arduratzen zen Iparragirre.
Mikel Albisu eta biei 20 urteko espetxe-zigorra ezarri zien Parisko Auzitegiak, 2010eko abenduaren 17an. Ebazpenaren arabera, Albisu ETAko buruzagi politikoa zen eta Iparragirre erakundearen finantzazio arduraduna.
2012ko apirilaren 13az geroztik, Euskal Preso Politikoen Kolektiboko (EPPK) bozeramaileetako bat da Iparragirre.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.