Alderdiek astebeteko epea hartu dute, Estatutu berriaren hitzaurrean aurrera egiteko
Talde parlamentarioak Euskal Autonomia Erkidegoko Estatutu berriaren hitzaurrea adosteko negoziazioa desblokeatzen saiatuko dira, eta horretarako astebeteko epea ezarri dute. Horrela bada, datozen egunetan hainbat bilera egingo dituzte, akordioa bilatu nahian.
Asteazken honetarako Autogobernu Lantaldeak beste bilera ba izango du, baina azkeneko batzarrean izan zituzten desadostasunak kontuan hartuta, ez da Estatutu berriko hitzaurreari buruzko akordiorik espero. Aitzitik, hitzaurrearen izenburua adosten saiatuko dira.
EAJk egindako proposamenean "Euskal Herria" eta "nazioa" bezalako kontzeptuak ageri dira eta Estatuarekiko harremanak "aldebikoa" izan behar duela zehazten da. EH Bilduk begi onez ikusi ditu termino horiek; PSE-EE, berriz, kontra azaldu da, eta Alderdi Popularrak "muturreko planteamenduak" direla kritikatu du.
Elkarrekin Podemosek ohartarazi du ez duela EAJ eta EH Bilduren babesa soilik izango duen Estatutu baten alde egingo.
Gauzak horrela, eta Elkarrekin Podemosek proposatuta, astebetez atzeratuko dute hitzaurreari buruzko eztabaida, eta asteazken honetako bileran hitzaurrearen izenburua adosten saiatuko dira.
EFE agentziaren arabera, hitzaurreak gutxienez EAJ, EH Bildu, Elkarrekin Podemos eta PSE-EEren babesa izatea da talde parlamentarioen helburua.
Albiste gehiago politika
Servinabarrek 22.000 euro eman zizkion Cerdanen arrebari, eta 68.000 euro, Oscar Arizcuren UPNren presidenteorde ohiari
Hori omen dakar Nafarroako Foru Ogasunak Leopoldo Puente Auzitegi Goreneko magistratuaren esku jarri duen dokumentazioak.
Gorenak ez du onartu Koldo Garciak bere audioak argitaratzea debekatzeko egindako eskaria
Instrukzioko epaileak adierazi du ez duela eskumenik kautelazko neurri horiek hartzeko, eta auzipetuari gogorarazi dio horixe bera adierazi zuela Santos Cerdanek audioak oso-osorik ateratzeko eskaera egin zuenean. Audioak hiru telefono mugikorretan eta grabagailu batean aurkitu zituzten, Garciaren etxean, eta, atera ondoren, aldeei entregatu zaizkie.
Auzitegi Goreneko hiru magistratuetatik bik epaiketaren atarian jarri dute Estatuko fiskal nagusia
Hirugarren magistratuak boto partikularra eman du, fiskal nagusiaren aurkako auzia artxibatu behar zela iritzita, Gonzalez Amadorren kasuari buruz aurretik ezagutzen ez zen daturik eman ez zuelako.
Boiseko Jaialdia, AEBko diasporarekin harremanak sendotzeko aldia
Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.
25 urte bete dira ETAk Juan Mari Jauregi hil zuela
ETAk Juan Mari Jauregi hil zuela 25 urte bete dira gaur. Haren alargunak eta alabak gizon adeitsu, ausart eta elkarrizketarako prest bezala gogoratzen dute, baita desberdin pentsatzen zutenekin ere. Mende laurden geroago, ETA desagertuta dagoela, biek egia eta memoria eskatzen jarraitzen dute indarkeria hark utzitako zauriak ixteko.
Espainiako Gobernuak onartu du jaiotzagatiko baimena 17 astera luzatzea eta bi asteko guraso-baimena ordaintzea
PSOEk eta Sumarrek lortutako akordioaren ostean, astearte honetako Ministroen Kontseiluan onartu dute neurria. Pilar Alegria Espainiako Gobernuko bozeramaileak adierazi du "albiste ezin hobea" dela.
Gontzal Tamayo Osasun sailburuordeak sistema digitalizatzea jarri du erronka nagusi gisa
Gontzal Tamayo Transformazio Digitaleko eta Emaitzetako sailburuordeak Osasun Sailaren eta Osakidetzaren berrantolaketa izan du hizpide, Radio Euskadin egin dioten elkarrizketan. Azaldu duenez, erronka nagusia sistema digitalizatzea da: alde batetik, datuak eta emaitzak hobeto aztertu ahal izateko, eta, modu horretan gaixoari tratamendu indibidualizatua emateko; bestetik, inteligentzia artifiziala erabiliz, medikuei karga burokratikoa kentzeko, gaixoekin egoteko denbora gehiago izan dezaten. (Jatorrizkoa, gaztelaniaz).
Sanchezek 2026rako aurrekontuak aurkeztuko ditu, eta, Kongresuak onartu zein ez, legegintzaldia agortu egingo du
Espainiako Gobernuko presidenteak 2026rako aurrekontuak aurkezteko asmoa du, eta talde guztiekin hitz egiteko prest agertu da.
Aitor Estebanek Ertzaintzaren izaera demokratikoa zalantzan jarri izana aurpegiratu dio EH Bilduri
Aitor Esteban EBBko presidenteak EAJren sorreraren 130. urteurrena ospatzeko ekitaldian parte hartu du. "Ertzaintza da gure erakunderik preziatuenetako bat", adierazi du ekitaldian. "Barregarria da kale borrokako asaldatzaile horiek autoritarismoaz eta iraganeko logikaz hitz egiten entzutea", erantsi du. "Nortzuk eta horiek izango dira guri demokrazia eta tolerantzia lezioak emango dizkigutenak, bai zera!", azpimarratu du.
Giza Eskubideen Behatokiak eta Josu Mujikaren familiak lau kazetari deklaratzera deitzeko eskatu dute
Era berean, Mujikaren heriotzaren 50. urteurrena betetzean, 2019an Bilbon eta Madrilen, 'Yo confieso. 45 años de espía' liburuaren aurkezpenak antolatu zituzten bi pertsonen testigantza jasotzea eskatu du GEBehatokiak.