Rajoy: 'Zentsura-mozioa kaltegarria da eta Espainiaren egonkortasunaren aurka doa'
Mariano Rajoy Espainiako presidentearen hitzetan, PSOEk aurkeztutako zentsura-mozioa Espainiarentzat txarra izateaz gain, kaltegarria da espainiarren etorkizunerako eta "egun behar-beharrezkoa den" egonkortasunaren aurka doa.
Ministroen kontseiluaren bileraren ostean agertu da Rajoy Moncloako Jauregian sozialistek aurkeztutako ekimenaren inguruan bere ikuspuntua azaltzeko.
"Mozio hau txarra da Espainiarentzat eta espainiarrentzat; zalantzak pizten ditu eta kaltegarria da hiritar guztien etorkizunerako", esan du.
Rajoyren hitzetan, Pedro Sanchez "nola edo hala eta edonorekin" Gobernuko presidente izateko zentsura-mozioa aurkeztu du PSOEk; "gainerako berdin dio", esan du.
Espainiako Gobernuko presidentearen ustez, Sanchezek ez du "aginte moralik" zentsura-mozioa aurkezteko; "Espainiako politikan bere tokia bilatzeko" helburu bakarra baitauka.
Zentsura-mozioa aurrera eramateko PSOEk dituen aukerak ere aipatu ditu Rajoyk; alde batetik, Ciudadanos eta Podemosen babesa lortzea; edo, bestetik, ERC eta PDeCat independentistekin batzea. Horretarako, Carles Puigdemont eta Quim Torraren babesa beharko luke, eta laguntza horiekin "edozein Gobernu bideraezina" da, eta Sanchezek hori badaki eta "berdin dio".
Espainiako presidentearen ustez, zentsura-mozioa "faltsukerian" oinarritzen da; Gurteleko epaiak ez duelako egungo Gobernuko kide bat ere ez kondenatu.
Rajoyk gogoratu duenez, 2003an Pozueloko eta Majadahondako udal madrildarretan gertatutakoagatik kondenatuak izan dira Gurtel auzikoak, eta "horiek ez dute egungo Gobernuarekin harremanik".
Halaber, epaiak PPren erantzukizun zibila, eta ez penala, ezartzen duela esan du; alderdiak, epaiak jasotzen duen bezala, "ez zuen egitateen berri".
Azkenik, Rajoy legealdia bukatzearen alde dagoela esan du, eta hauteskundeak aurreratzeko (Ciudadanosek eskatutakoa) "ohituraren" aurka agertu da, alderdien interesei erantzuten diolako, eta legealdia bukatzeak, aldiz, onuragarri da denon intereserako.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.