Zazpi hautagai, Alderdi Popularra zuzentzeko
2018ko ekainaren 20an bukatu da Alderdi Popularra zuzentzeko hautagaitzak aurkezteko epea. Zazpi lagunek aurkeztu dituzte hautagai izateko beharrezkoak diren bermeak eta, beraz, zazpi dira Mariano Rajoyren lekua hartzeko hautagaiak.
Datorren uztailaren 5ean, hautagai horietatik bi bozkatuenak aukeratuko dituzte eta horiek izango dira Alderdi Popularraren presidentzia lehiatuko dutenak, uztailaren 20an eta 21ean alderdi horrek egingo duen kongresuan.
Hauek dira PP zuzentzeko hautagaiak:
(Soraya Saenz de Santamaria. Argazkia: EFE)
SORAYA SAENZ DE SANTAMARIA (Valladolid, 1971). Espainiako Gobernuko presidenteordea izan zen 2011 eta 2018 bitartean. Alderdi Popularreko talde parlamentarioaren bozeramailea izan zen 2008tik 2011ra Diputatuen Kongresuan. Zuzenbidean lizentziatuta, Estatuaren abokatua da.
"Umiltasunez, arduraz eta zintzotasunez" lan egingo zuela agindu du zuen bere hautagaitza iragarri zuenean. Espainiako Gobernuan Rajoyren ondokoa eta konfiantzako emakumea izan zen eta esperientzia hori baliatuko du bere alde.
(Maria Dolores de Cospedal. Argazkia: EFE)
MARIA DOLORES DE COSPEDAL (Madril, 1965). Alderdi Popularreko idazkari nagusia da 2008tik. Gaztela-Mantxako presidentea izan zen 2011-2015 legegintzaldian. Espainiako Gobernuko Defentsa ministroa izan zen 2016 eta 2018 urteen artean. Zuzenbidea lizentziatua da.
Bere hautagaitza iragarri zuenenean ondokoa adierazi zuen: "Alderdi Popularra eta Espainiako Gobernua zuzentzen duen lehen emakumezkoa izan nahi dut". Alderdiaren zuzendaritzan duen eskarmentua da bere bermerik handiena.
(Jose Manuel Garcia Margallo. Argazkia: EFE)
JOSE MANUEL GARCIA MARGALLO (Madril, 1944). Alderdi Popularreko diputatu izan aurretik, UCDko ordezkaria izan zen. 1994tik 2011ra europarlamentaria izan zen; eta 2011tik 2016ra, Kanpo Gaietarako ministroa Espainiako Gobernuan. Zuzenbidean lizentziatua da.
Alderdia zatitzeko arriskuan egon daitekeela ohartarazi du, batez ere alderdiko presidente berria aukeratzeko prozesua Soraya Saenz de Santamaria eta Maria Dolores de Cospedalen arteko lehia moduan planteatzen bada.
(Pablo Casado. Argazkia: EFE)
PABLO CASADO (Palentzia, 1981). Alderdi Popularraren gazte erakundea zuzendu zuen 2003tik 2013ra. 2011az geroztik, diputatua da. PPren Komunikazio presidenteordea da.
Alderdia eraberritzeko PP "belaunaldi berri batek" zuzendu behar duela esan du eta aro berri hori zuzentzeko prest dagoela azpimarratu du.
(Jose Ramon Garcia Hernandez. Argazkia: EFE)
JOSE RAMON GARCIA HERNANDEZ (Avila, 1971). Alderdi Popularraren Nazioarteko Harremanetarako idazkaria da. 2014tik diputatua ere bada. Zientzia politikoetan doktorea eta enpresa eta zientzia ekonomikoan lizentziatua da.
Alderdiak bere irudi ona berreskuratu behar duela esan du eta horrek "eraberritze prozesu sakona" eskatzen duela erantsi du.
JOSE LUIS BAYO (Valentzia, 1978). Alderdi Popularraren gazte erakundea zuzendu zuen Valentzian. Valentziako PPko zuzendaritza lehiatzekotan egon zen, baina azkenean atzera egin zuen.
"Militanteen hautagaia naiz", adierazi zuen bere hautagaitza iragartzean. Alderdia "demokratizatuko" duela agindu du.
ELIO CABANES (Valentzia, 1974). Valentziako La Font de la Figuera herriko zinegotzia da. Mariano Rajoy gogor kritikatu du, dimisioa eman ez zuelako. Pedro Sanchezek zentsura-mozioa aurkeztu aurretik Rajoyk kargua utzi behar zuela pentsatzen zuen eta hala adierazi zion.
"Alderdia oinarrietatik eraberritzeko" asmoz aurkeztu du bere hautagaitza.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.