Polizia-abusuen legearen aurkako helegitea kentzeko eskatu dio Jaurlaritzak Sanchezi
Polizia gehiegikerien biktimen legeari aurkeztutako helegitea atzera botatzeko eskatu dio Josu Erkoreka Eusko Jaurlaritzako bozeramaileak Espainiako Gobernuari. Errekurtsoa Mariano Rajoyren Exekutiboak aurkeztu zuen.
1978tik 1999ra bitartean, indarkeria politikoaren testuinguruan, Euskal Autonomia Erkidegoan izan diren Giza Eskubideen Urraketen Biktimak Erreparatzeko eta Aitortzeko Legea 2016an onartu zuen Eusko Legebiltzarrak, baina zenbait artikulu aldi baterako baliogabetu zituen Mariano Rajoyren Gobernuak Auzitegi Konstituzionalaren aurrean aurkeztutako helegite batek.
Besteak beste, biktimak diren pertsonak definitu behar dituen balorazio batzordeak poliziaren indarkeria kasuak ezin dituela aztertu argudiatu zuen Rajoyren Gobernuak, epailearen eskumena delako.
Balorazio batzordea gaur bildu da Bilbon. Jesus Loza Espainiako Gobernuak Euskadin duen ordezkari berriak duela egun gutxi iragarri zuenez, Jaurlaritza eta Exekutibo zentrala polizia-abusuen biktimen legea hilabete honetan desblokeatzen saiatuko dira.
Eusko Jaurlaritzako Gobernu Kontseilua bildu ondoren, biktima horien aitortza eta erreparazioa administrazioaren eskumena dela errepikatu du Erkorekak, eta ez zigor arloarena; ondorioz, legeak ez ditu Justiziaren eskumenak urratzen, arauaren helburua biktimak aintzat hartzea eta erreparatzea delako, ez du zigor prozesua oztopatzen.
Auzitegi Konstituzionalak balorazio batzordea osatzeko baimena eman zuela gogorarazi du Erkorekak, baina helegitea onartuta bere ekintzarako gaitasuna mugatu zuela erantsi du.
Eskuduntzen Batzorde Mistoa
Zentzu horretan, “juridikoki lantzea posible den guztian” aurrera egingo dutela agindu du Jaurlaritzako bozeramaileak, aldi berean helegitea atzera botatzeko Pedro Sanchezen Exekutiboarekin negoziatzen duten bitartean.
Eskuduntzen Batzorde Mistoaren mahai gainean izango den gatazka nagusietako bat izango da. Batzordea deitzeko “harreman estua” izaten ari dira bi gobernuak, Erkorekaren hitzetan.
Bozeramailearen ahotan, bileraren datarik oraingoz ez dute zehaztu, baina Pedro Sanchezen Exekutiboak proposamenak aurkezteko agindua eman die ministerio guztiei.
EAEko arauen aurkako helegiteak atzera botatzea eta eskuduntzak transferitzeko egutegi bat osatzea dira lehentasunak.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.