Juan Carlos I.ena amnistia fiskalaz baliatu zela esan du Corinnak
Juan Carlos I.ena 2012an Alderdi Popularraren Gobernuak ezarritako amnistia fiskalaz baliatu zela adierazi du Corinnak.
OK Diario atari digitalak zabaldu duenez, hala kontatu zien Espainiako errege ohiaren bikote izandakoak Villarejo polizia-buru ohiari eta Juan Villalonga Telefonicako presidenteari Londresen duen etxean izan zuten elkarrizketa batean.
Corinnak azaldu duenez, amnistia fiskalari esker, Juan Carlos I.enak hainbat kontu mantendu zituen Suitzako bankuan, eta kontu horiek haren lehengusu baten eta bere abokatuaren izenean daude, Alvaro de Orleans Borboikoa eta Dante Canonica abokatu suitzarraren izenean, hain zuzen ere.
Corinnaren esanetan, Espainiako errege ohiaren izen-mailegatzaileak izango lirateke biak, haren kontuak eta urte luzeetan pilatutako ondasunak ezkutatzeko.
Espainiako Gobernuak, ikerketa-batzordearen aurka
Bestalde, Espainiako Gobernuak esan du ez duela beharrezkotzat jotzen Diputatuen Kongresuan ikerketa-batzorde bat abian jartzea Juan Carlos I.enak ustez egindako irregulartasunak aztertzeko eta haren agerraldia eskatzeko, "aspaldiko kontuak" direlako eta egungo Espainiako erregeari, Felipe VI.ari, eragiten ez diolako.
Halaber, PSOEren Exekutiboak ez du Mariano Rajoyren agintaldian ezarritako amnistia fiskalaz baliatu zirenen zerrenda publiko egingo, 2015ean Pedro Sanchezek hala egingo zuela agindu bazuen ere.
Alberto Garzon IUko buruzagiak iragarri du Unidos Podemos taldeak Kongresuan ikerketa-batzorde bat eratzea proposatuko duela, Juan Carlos I.aren jarduerak aztertzeko. Era berean, Espainiako errege ohiaren agerraldia ere eskatuko dutela esan du.
Oraingoz, PDeCAT, Compromis eta EH Bilduko diputatuek baieztatu dute ekimen hori babestuko dutela.
Datorren astelehenean, 23:30etik aurrera, ETB2k berriro eskainiko du Frantziako Canal+ kateak 2014an egindako 'El ocaso de un Rey' dokumentala. Espainiako monarkiaren gainbeherari buruzko lana ikusgai dago jada EITB Nahieran-en.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.