Foro Soziala kezkatuta agertu da espetxe politikan eman ez diren urratsen aurrean
Agus Hernan Foro Sozialeko koordinatzailea kezkatuta agertu da asteazken goiz honetan, Pedro Sanchezen gobernuak “ez duelako aurrerapausorik eman” espetxe politikaren inguruan. Espainiako Gobernuak “denbora gehiago” behar duela aitortu duen arren, euskal presoen alorrean “urratsak ematen hasi behar” dela esan du.
Radio Euskadin egindako elkarrizketa batean azaldu duenez, uda amaitu aurretik “lekualdaketak” egingo zituela ulertu zion Pedro Sanchezi eta Jesus Loza Espainiako Gobernuak EAEn duen ordezkariari aurreko batean, batik bat gaixo dauden edota 70 urtetik gora dituzten presoen kasuan.
Halaber, Asturiasko Villabonako kartzelatik Basauriko espetxera eraman zituzten Olga Sanz Martin eta Javier Moreno Ramajo euskal presoen “lekualdaketen” harira, hirugarren graduan egonda legeak horrela aurreikusten zuela esan du.
Hernanen ustez, "gako nagusietako bat konponbiderako agenda" da, aspaldi atzean geratu zen testuinguru jakin bati erantzuten dion "salbuespenezko kartzela politika indarrean" jarraitzen duela baieztatzen duten hainbat elementu baitaude gaur egun.
Ildo horretatik, “gehiengo instituzional, politiko, sindikal eta sozialak” espetxe politikaren alorrean urratsak ematea eskatu duela nabarmendu du Hernanek. Halaber, biktima batzuk presoak hurbiltzearen alde agertu direla ziurtatu du.
Horiek horrela, "Euskal Herrira begira" dezala eskatu dio Foro Sozialeko koordinatzaileak PSOEri, eta salbuespenezko kartzela politika aldatzeko Espainiako Kongresuan behar besteko babesa erdietsi dezakeela egiaztatzeko deia egin dio Sanchezen gobernuari.
109 preso
Hernanek azaldu duenez, Espainiako Gobernuaren datuen arabera “Euskal Herriko kartzeletara hurbildu daitezkeen” 109 preso daude gaur egun, baina denbora honetan Sanchezen exekutiboak kartzela politikan ez duela inolako aldaketarik egin deitoratu du.
Bestalde, urtarrilaren 6an iraganaren gaineko autokritika egiteko prest agertu ziren euskal presoak, baina kartzela politika aldatzeko eman behar dituzten neurriak zehazteko eskatu diote Sanchezen gobernuari.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.