Erkoreka: 'Autogobernuaren eztabaidak ez du Jaurlaritzaren egonkortasunean eragiten'
Josu Erkoreka Eusko Jaurlaritzako bozeramaileak astearte honetan azaldu duenez, Euskadin autogobernuaren etorkizunari buruzko eztabaida politikoak ez du eraginik EAJ-PSE koalizioak osatutako gobernuan.
Erkorekak nabarmendu du koalizio-gobernu hori sortu zuen akordioa bereizi egiten dela alderdi bakoitzak autogobernuaren gaian duen gobernu-kudeaketatik, eta hori Jaurlaritzak "onartuta" duela, eta ez duela "inolaz ere egonkortasunean eragiten".
Eusko Jaurlaritzako bozeramaileak Iñigo Urkullu lehendakariak egindako adierazpenekin bat egin du. Azken horrek, EAJren militante bezala, gai honetan EH Bildurekin itundutakoarekin pozik zegoela esan zuen, baina ordezkari instituzional bezala, akordioa zabaltzearen alde zegoela.
Markel Olano Gipuzkoako ahaldun nagusiak EAJk eta EH Bilduk adostutako oinarri politikoak utziezinak direla azaldu du, eta adierazpen horiengatik galdeginda, Erkorekak haien literaltasuna ezagutzen ez duela aitortu du.
"Autogobernuari buruzko eztabaida politikoak orain arte, eta, nik uste, legealditik geratzen den guztian ere, ez du gobernuaren egonkortasunean eragingo", azpimarratu du Erkorekak.
Katalunian autogobernuari buruzko erreferenduma egitearen alde agertu da Sanchezen Gobernua, eta horri buruz ere galdetu diote; Kataluniako erakundeei eta alderdiei dagokiela horri erantzutea erantzun du, eta Eusko Jaurlaritzak aintzat hartzen duela “formula berri bat bilatzeko” saiakera, bi aldeen artean elkarrizketa emankorragoa lortzeko.
Zure interesekoa izan daiteke
Rosa Zarraren, Ertzaintzaren pilotakada jaso ondoren hil zen emakumearen, omenezko plaka jarri du Donostiako Udalak
Orain arte 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.