Monton ministroak dimisioa eman du URJCko masterragatik
Carmen Monton Osasun ministroak dimisioa eman du URJC unibertsitateko masterragatik. “Garden eta zintzo” jokatu duela esan du ministroak. Masterrean irregulartasunik egin ez zuela errepikatu du, eta dimisioa Pedro Sanchezen Gobernuari kalterik ez egiteko aurkeztu duela erantsi du.
Montonek agerraldia egin du 21:15 aldera Ministerioaren egoitzan. Agerraldi labur batean, bere zintzotasuna aldarrikatu du Montonek: “Ez dut irregulartasunik egin, defendatu dut, eta kontzientzia oso lasaiarekin eta uste osoz defendatzen jarraituko dut”.
“Harro nago eta Pedro Sanchez presidenteari esker ona adierazi nahi diot, Gobernua osatzeko ni deitu izanagatik”, esan du Montonek. Espainiako Gobernuko presidentearen “giza kalitatea, babesa eta maitasuna une oro” sentitu izan dituela goraipatu du.
“Espainiarrek Gobernuko presidente bikaina dute, eta egoera honek kalterik ez egiteko dimisioa eman dut”, gaineratu du.
Pedro Sanchez Espainiako gobernuburuak ministroari babesa adierazi dio ordu batzuk lehenago, masterreko ustezko irregulartasunen harira.
“Lan aparta egiten ari da, eta lanean jarraituko du”, esan du Espainiako presidenteak Senatuko korridoreetan.
Montonek aurkeztutako master bukaerako lanak beste egile batzuen testu berdin berdinak ditu 19 orrialdetan, La Sexta telebistak jakitera eman duenez. Guztira, lanak 52 orrialde ditu.
Informazioaren arabera, testuek erreferentzia okerrak dituzte, eta orri-oinean zein bibliografian aipatutako dokumentuak ez dira agertzen.
Montonek dimisioa eman behar zuela uste du Pablo Iglesias Podemoseko idazkari nagusiak. “Gobernu honek ezin du PPren tankerarik izan”, defendatu du koalizio moreko buruzagiak Twitter sare sozialean.
“Sentitzen dut ministro on bat izan zatekeelako, baina unibertsitate publikoaren duintasunak ezin du beste iruzur master bat jasan, are gutxiago tesi kopiatu bat. Berehala dimisioa eman behar du”, nabarmendu du.
Maria Luisa Carcedo, Haur Pobreziaren aurkako Borroka goi-komisarioa orain arte, Osasun ministro berria izango da.
Albiste gehiago politika
Astigarraga eta Usurbil, bizitegi-merkatu tentsionatuko eremu
Horren bidez, Eusko Jaurlaritzak etxegabetzeen aurkako babesa indartu nahi du, etxebizitzarako eskubidea bermatu eta Donostiako metropoli-inguruneko bi udalerri izanik, hiriburuak eragindako tentsio-adierazleak aztertu.
Lehendakaria "oso kezkatuta" dago PP eta Vox alderdien balizko gobernu batekin, birzentralizazioa ekar lezakeelako
"Testuinguru horretan, prest egon behar dugu Euskadi, euskal erakundeak, euskara eta politika publiko guztiak gogor defendatzeko", esan du. Kanarietara egin duen bisitan, errefuxiatuekin lan egiten duten elkarteekin bildu da Imanol Pradales, eta Open Arms ontzian izan da.
Pradales lehendakaria 'Open Arms'eko kideekin bildu da
Lehendakariak eta Nerea Melgosa sailburuak Open Arms ontzira egindako bisitan, Imanol Pradalesek gobernuz kanpoko erakundeak Kanarietan egiten duen lana babestu nahi izan du.
EAJk irailaren 20an egingo du lehen ekitaldi ofiziala Marceau etorbideko eraikin sinbolikoan, Parisen
Maitane Ipiñazar EBBko idazkariak ez du ekitaldi "hunkigarri" horren inguruko xehetasunik aurreratu, baina azpimarratu du "oso garrantzitsua" dela "EAJrentzat, baita euskal gizartearentzat ere, eraikin hori berreskuratzea".
Gasteizko alkateak Aranako errefuxiatuentzako zentroko plazak 350etik 200era murrizteko eskatu dio Espainiako Gobernuari
Maider Etxebarriak Elma Saiz Inklusio, Gizarte Segurantza eta Migrazio ministroari eskatu dio zentroko espazio batzuk inguruko auzokideek erabili ahal izatea errefuxiatuei integratzen laguntzeko.
Asiron, Endika Alonsoren aurkako salaketari buruz: "UPNk politika judizializatzeko joera du; gauza horiek ez lirateke eztabaida politikotik irten behar"
Hatortxu Rocken egindako adierazpenengatik salatu du UPNk EH Bilduren zinegotzia, eta Iruñeko alkateak defendatu egin du. Joseba Asironen arabera, "pertsonen eskubideen defentsa ezin da inoiz delitu izan".
Andueza: "Autogobernuaren etorkizuna Estatuarekin adostu beharko da, Konstituzioaren barne"
Eneko Andueza PSE-EEko idazkari nagusiak ETB1eko "Egun On" saioan esan duenez, "batzen gaituzten gaietan jarri behar dugu arreta, ez bereizten gaituztenetan". Horren ustez, “autogobernuaren etorkizuna Estatuarekin adostu eta Konstituzioaren baitan egon beharko da”.
Ramiro Gonzalez: "Ez dira gauza bera errefusatzea eta gaitzestea"
Ramiro Gonzalez Arabako ahaldun nagusiak Beatriz Artolazabal jasaten ari den jazarpena gaitzetsi du. Era berean, EH Bilduk horrelakorik egin ez izana kritikatu du, honakoa esanez: "Ez da gauza bera arbuiatzea eta gaitzestea". "Hitzak garrantzitsuak dira", adierazi du Gonzalezek Radio Vitoriako mikrofonoetan.
UPNk Iruñeko EH Bilduko zinegotzi bat salatu du, Hatortxu Rocken "ETAko presoen alde" egindako hitzengatik
UPNtik adierazi dutenez, "Endika Alonsoren hitzak ('Denak etxean egon arte. Gora gu. Gora gureak. Gora Hatortxu') eszenatokitik eta milaka pertsonaren aurrean esan ziren". "Esanahi politiko eta ideologikoz betetako adierazpena da", nabarmendu dute.
Albiste izango da: Bolsonaroren aurkako zigorra, lehendakariaren bidaia Kanarietara eta Charlie Kirken hilketa
Orain-ek gaur landuko dituen albiste nagusien laburpena.