Monton: 'Ez zen irregulartasunik egon. Denok ez gara berdinak'
Carmen Monton Osasun ministroak ukatu egin du orain zazpi urte egin zuen master baten inguruan gaur zabaldu den informazio guztia. Irregulartasunik ez zela egon, eta hori ziurtatzen duten dokumentuak gordeta dituela azpimarratu du. Horregatik, dimisioa emateko asmorik ez duela argi adierazi du. "Masterra egin nuen, eta ez zen inolako irregulartasunik egon. Nire zintzotasuna bermatzen duten agiriak gordeta ditut. Denok ez gara berdinak", esan du.
eldiario.es agerkari digitalak publikatutako informazioaren ostean, agerraldia egin du Osasun ministroak, leporatzen zaizkionak argitzeko. Hedabide horrek zabaldutakoaren arabera, Montonek egindako master bat ikerketapean jarri du Juan Carlos Erregea Unibertsitateak, ustezko irregulartasunak atzeman ondoren. Unibertsitate horretako Zuzenbide Publikoko Institutuan lortu zuen masterra ministroak, Cristina Cifuentes Madrilgo presidente ohiak kargua uztera eraman zuen master polemikoa egin zuen leku berean.
Mezu elektronikoak, agiriak eta lanak erakutsi dizkie kazetariei Montonek, eta ordenagailua ere gordeta duela esan die.
Agerraldiaren aurretik, Pedro Sanchez Espainiako Gobernuko presidentearekin hitz egin duela, eta haren babesa duela azpimarratu du. Presidenteak eskatu omen dio publikoki azalpenak emateko.
Masterra "ilusioz" egin zuela ere esan du, garai hartan Kongresuan berdintasun alorreko bozeramailea zelako talde sozialistan. Ahalegin handia egin behar izan zuela gaineratu du, besteak beste, haurdun zegoelako.
Ikerketa
eldiario.es agerkari digitalaren arabera, Montonek, Espainiako Kongresuan PSOEren Berdintasun diputatua zela, 2010-2011 urte politikoan, generoarekin lotutako masterra eskuratu zuen, 8,43ko notarekin, eskolen erdietara joan gabe eta irakasleekin ia harremanik izan gabe.
Gainera, epez kanpo ordaindu omen zuen masterra egiteko matrikula, eta ikasgaien erdiak amaituta zeudela hasi omen zen titulazioa lortzen.
Cifuentes auzian inputatuta dagoen Laura Nuño irakaslea zen masterreko zuzendaria.
Unibertsitate horretatik bertatik jakitera eman dutenez, Cifuentesen eta Pablo Casado PPko buruaren inguruan abian jarritako ikerketen ondoren, ekainean, Zuzenbide Publikoko Institutuaren jarduna sakonago aztertzea erabaki zuten, eta hortik etorri da Montonen masterra susmopean jartzea.
Ohar bidez, unibertsitateak ziurtatu du justiziarekin elkarlanean ari direla, Zuzenbide Publikoko Institutuaren kudeaketaren ingurukoak argitzeko.
Zure interesekoa izan daiteke
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.