Generalitatearen batasuna Gorenaren epaia atera arte bermatuko dute JxCATek eta ERCk
Quim Torra Kataluniako presidenteak eta Pere Aragones presidenteordeak bilera egin dute gaur, JxCAT eta ERC alderdien arteko krisiaren amaiera irudikatzeko, eta Auzitegi Gorenak prozesu independentistaren auzian epaia eman bitartean Generalitatearen batasuna bermatuta egongo dela ziurtatu dute.
Auzitegi Gorenak kargugabetutako diputatuei buruzko ebazpena dela eta, JxCATek eta ERCk hainbat desadostasun izan dituzte asteon, eta horrek Parlamentuaren jarduna geldiarazi du; izan ere, Politika Orokorreko bilkurako proposamenak bozkatu gabe geratu ziren.
Gaur, Torrak eta Aragonesek batzarra egin dute krisiari irtenbidea emateko, eta ondoren agerraldi bateratua egin dute.
Bilkura datorren asteartean, arratsaldez, egingo dute, eta astelehenean, atzo bi alderdiek adostutako mekanismoaren aurka oposizioko taldeek egindako eskaerak aztertuko ditu Parlamentuko Mahaiak.
Hortaz, astelehenean jakingo da akordio horrek Parlamentuko abokatuen oniritzia lortzen duen eta JxCATen, ERCren eta Roger Torrent Parlamentuko presidentearen babesa duen ala ez.
Bien bitartean, Torrak eta Aragonesek berretsi egin dute bi alderdiek atzo adostutakoa eta autokritika egiteko baliatu dute bilera eta ondoren agerraldia.
Gauzak horrela, JxCATek eta ERCk legegintzaldi honetarako egin zuten akordio estrategikoa "indartzeko" konpromisoa hartu dute eta onartu dute "koordinazioa hobetu" behar dutela, "desadostasunak izatea zilegi bada ere".
Nolanahi ere, egoera hau Espainiako Gobernuak Kataluniaren aurka darabilen errepresioaren ondorio dela adierazi dute, "salbuespen egoera batean gaudelako".
"Espainiako Gobernua aldatu da, baina errepresioaren azeleragailua sakatzen jarraitzen dute", kritikatu du Torrak.
"Batasunari eutsiko diogu, gutxienez epaiak atera arte; egun hori inflexio puntua izango da", azpimarratu du Torrak.
Aragonsek ere ildo berean hitz egin du eta esan du ordura arte behintzat Generalitatearen egonkortasuna bermatuta egongo dela, eta Auzitegi Gorenaren ebazpenak ateratzen direnean "Parlamentuarekin batera erabaki garrantzitsuak" hartu beharko dituztela gaineratu du.
Bestalde, Torrak berretsi egin du Espainiako Gobernuari emandako ultimatuma: azaroan baino lehen adostutako erreferendum lotesle baterako proposamenik egin ezean, Diputatuen Kongresuan Kataluniako talde independentisten babesa galduko du Pedro Sanchezek.
Espainiako Gobernuari babesa kendu arren, elkarrizketarako atea irekita izango dutela zehaztu du Torrak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.