40.000 pertsona bildu dira Donostiako kaleetan, presoen eskubideen alde
40.000 pertsonak hartu dute parte gaur arratsaldean Donostian, presoen eskubideen alde egin den manifestazioan. 17:15ak jota zirenean hasi da Orain Presoak dinamikak deitutako manifestazioa Antiguo auzoko tuneletik. Pankartaren ordez, Miramar Jauregitik jaitsi duten oihal handiaren atzetik joan dira milaka lagun, goizetik antolatzaileek iragarri duten moduan: "Euskal Herrian inoiz egin den manifestazio anitzena izango da".
Euskal Herriko puntu ugaritatik 85 autobus baino gehiago iritsi dira, espetxe politikan oinarrizko lau aldaketa eskatu dituen manifestazioan parte hartzeko: Urruntze politikarekin amaitzea, larri gaixo diren presoak etxeratzea, gradu aldaketak ahalbidetzea eta zigorren metaketa gauzatzea.
Isiltasunean garatu da manifestazioa, baina tarteka "euskal presoak etxera" eta "presoak kalera, amnistia osoa" oihuak entzun dira. Antiguo auzoko tuneletik abiatu, eta Kontxatik pasatuz, Donostiako inguru hori jendez gainezka egon da ibilbide osoan, Boulevardera iritsi arte. Manifestazioa zuzenean eman du Sare herritarrak bere sare sozialen bidez.
Boulevardean, Mixel Berhokogoin 'bake artisauak' hitz egin du aurrena eta "abiadura azkartzeko garaia" dela esan du. Manifestazioaren antolatzaileek "iparraldeko lagunei, egindako lanagatik eskerrak emanez" hasi dute azken hitzaldia. Azken testu horretan, "aukera eta ate berriak zabaldu dituen garai berri batean" gaudela nabarmendu dute: "espetxe politika hau aldatzeko beharra sentitzen dugun milaka pertsona gaude hemen. Elkarrekin bizi nahi dugulako, sufrimenduarekin amaitu eta aurrera egin". "Bidea hasi baino ez dugu egin" esan dute, "argi baitugu ez diegula gure ondorengoei guk bizitakoa oinordetzan utzi nahi".
Miramarreko agerraldia
Manifestazioaren aurretik, "sufrimentu guztiaren amaitu eta elkarbizitza ahalbidetzea" eskatu dute arlo guztietako pertsona ezagunek Miraman Jauregian egindako ekitaldi batean. Besteak beste, EAJko, EH Bilduko, Elkarrekin Podemoseko ordezkariak izan dira bertan; ELA, LAB, UGT eta CC.OO. sindikatuetakoak, eta alkate zein hainbat erakunde sozialetako hainbat ordezkari.
Anaiz Funosas Orain Presoak dinamikako kideak irakurri du "Elkarbizitza" izenburua duen testua: "Gaur elkarbizitzak batzen gaitu. Gainerako pertsonekin, euren konpainian bizitzea esan nahi du elkarbizitzak. Errespetua esan nahi du. Hurkoarekiko eta geure buruarekiko aitorpena. Hori dio elkarbizitzaren esanahiak, hori da elkarbizitzak esan nahi duena, eta hori da gure jomuga, guztiok nahi duguna, gaur hemen bildu garen guztiok elkartzen gaituena. Guztiok dakigu askotariko bizipenen iragana daukagula. Gauza asko bizi izan ditugu gune txiki honetan; sufrimendu eta min handia pairatu behar izan dugu. Hori guztia ahaztu gabe, baina aurrera egin behar dugula oso presente edukita, bere burua errespetatzen duen gizartea eraiki beharra daukagu. Gizarte hobea utzi behar diegu ondorengoei, eta guri dagokigu hau eraikitzea, guri dagokigu zauriak ixteko bideari ekitea eta horretarako sufrimendu guztiekin amaitu eta elkarbizitza ahalbidetzeko baldintzak sortzea".
"Lan egin dezagun guztiok elkarrekin, has gaitezen elkarrekin lanean. Badakigu desberdinak garela, jatorrian eta helburuetan, baina oinarri sendo bat eraiki behar dugu elkarrekin. Etorkizuna, benetan, bakean eraiki nahi badugu, elkarrekin sortu beharra daukagu elkarbizitzaren oinarria. Errespetua da elkarbizitza horretarako ezinbesteko gakoetako bat. Ezin dezakegu ahaztu ideien gainetik errespetua zor diegula gure buruari eta ondokoei; errespetua zor diogu hurkoari, errespeturik gabe ezinezkoa baita elkarbizitza. Garai historikoan murgilduta gaude. Kosta egin zaigu, ez da erraza izan hona iristea. Gero eta ekitaldi gehiago partekatzen ari gara elkarrekin, gero eta ekitaldi gehiagotan gaude guztiok elkarren ondoan, eta batzuetan ohartu gabe, elkarrekin lanean ari garela konturatzen gara. Baina ezin gaitezke lasaitu, elkarrekin lanean jarraitu beharra daukagu, elkarren ondoan egon ezean hautsi egin daitekeelako ehuntzen ari garen sare hau. Beste pauso bat eman dugu gaur. Mota guztietako sufrimenduarekin amaitzeko beharra azpimarratu nahi dugu gaur. Beharrezkoa da orain pauso hori ematea. Elkarbizitzarako bidean, oraindik, zeregin asko dauzkagu egiteko. Bide horretan lanean jarraitu behar dugu, errespetuz eta elkar ulertuz. Guregatik eta geure alabengatik egin behar dugu. Guregatik eta datozenengatik jarrai dezagun bidea egiten".
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.