Altsasuko herritarrek manifestazioa deitu dute larunbaterako
Altasasuko herritarrek batzarra egin dute arratsalde honetan Iortia kultur etxean, Ciudadanosek datorren igandean udalerrian antolatu duten ekitaldiak sortu duen kezka dela eta.
Albert Riveraren alderdiaren ekimena –Vox eta Alderdi Popularra ere bertan izango dira- probokaziotzat jotzen dute: "Gure herriaren kontrako beste eraso bat da", salatu dute. Konstituzioa eta Guardia Zibila goraipatzeko Altsasu herri "aproposa" dela esan zuen Riverak.
Bilera amaituta, Altsasuko herri-batzarrak agerraldia egin du kultur etxean, eta larunbatean manifestazioa egingo dutela iragarri dute. Mobilizazioa 17:30an abiatuko da, 'Utzi Altsasu bakean' lelopean.
Erantzun "herritarra, bateratua, sendoa, zabala, duina eta bilatzen duten enfrentamendurik gabea" izango dela azpimarratu dute.
"Nazkatuta gaude gezurrak, irainak eta probokazioak jasateaz", esan dute bizilagunek.
"Hau beste eraso bat da, ezkutuko interesek eta kutsu faxista duten jarrerak bultzatutakoa", salatu dute. "Gure herria aitzakia gisa erabiltzen ari dira, eskubide eta askatasun ezaren sinbolo bilakatzeko", erantsi dute.
Larunbateko manifestazioaz gain, igandean, 'Askatasun eta Eskubideen Gunea' antolatuko dute Iortia plazan, 10:00etatik aurrera. "Erasoa salatu eta Altasasuko herriari elkartasuna adierazi nahi duten guztiei" luzatu diete bertara joateko gonbita.
Halaber, Ciudadanosen ekitaldira etorritakoak joaten direnean, "jai-giroa herri guztira" zabalduko dutela zehaztu dute.
Albiste gehiago politika
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.