Askatasunari ez diotela inoiz uko egingo diote preso dauden buruzagi independentistek
Kataluniako prozesu independentista dela eta Lledonersko kartzelan (Bartzelona) behin-behineko espetxealdian dauden presoek idatzitako gutun bat kaleratu dute ostegun honetan, urteurrenaren bezperan. Izan ere, bihar bertan jakingo da Estatuko fiskal nagusiak zer zigor eskatzen duen auzi horretan inputatuta dauden buruzagi independentistentzat. Alabaina, dagozkien eskubideei tinko eutsiko dietela ziurtatu dute: “Umiliatu nahi izan gaituzte, baina ez dute lortu. Askatasunari ez diogu inoiz uko egingo”.
Hala azpimarratu dute Oriol Junqueras, Jordi Turull, Josep Rull, Joaquim Forn eta Raul Romeva kontseilari ohiek, baita ANC eta Omnium Cultural erakundeetako buruzagi ohiek (Jordi Sanchez eta Jordi Cuixart) ere. Kartzelan idatzitako gutun hori David Fernandez CUPeko diputatu ohiak irakurri du arratsaldean, Esquerra Republicana alderdiak deituta preso dauden politikarien askatasuna aldarrikatzeko Lledonersko espetxearen aurrean egindako elkarretaratze jendetsuan.
“Ezinezkoa da herri batek demokraziarekin duen borondatea espetxeratzea”, azpimarratu dute preso jarraitzen duten Kataluniako buruzagi independentistek. Estatuko fiskal nagusiak bihar bertan aurkeztuko ditu Kataluniako erreferenduma dela eta auzipetutako buruzagi independentisten aurkako akusazio idazkiak.
“Gaur, gure ideiek eta pentsamenduek inoiz baino indar handiagoa dute. Umiliatu nahi izan gaituzte, baina ez dute lortu; itxaropena beldurra baino indartsuagoa delako beti, eraikitzea suntsitzea baino eraginkorragoa delako, askatasunari ez diogulako inoiz uko egingo”, esan dute.
Halaber, “espetxealdi iraingarria” jasaten ari badira ere, “herriaren borondatearekin aurrera” jarraituko dutela ziurtatu dute preso dauden politikariek.
‘Urtebeteko injustizia, urtebeteko pertseberantzia. Askatasuna aldarrikatzen dugu’ lelopean, 15.000 pertsona inguru batu dira arratsalde honetan Lledonersko espetxearen aurrean egindako elkarretaratzean, antolatzaileek jakitera eman dituzten datuen arabera.
Besteak beste, Roger Torrent Kataluniako Parlamentuko presidenteak hartu du hitza. Horren esanetan, espetxean dauden buruzagi independentistek ez diote inoiz erabakitzeko eskubideari uko egingo, ezta demokraziari ere, eta ez dute indulturik nahi, azpimarratu du.
“Ez dugu indulturik nahi. Absoluzioa eskatzen dugu, askatasuna, presoak berehala kalera irtetea. Ez dute barkamenik eskatu behar: hautetsontziak jartzea eta herritarrek bozkatzeko aukera izatea ez da delitua, inoiz ez”, oihukatu du Kataluniako Parlamentuko presidenteak.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.