Jaurlaritzak herritar guztien konpromisoa eskatu du genero indarkeriari aurre egiteko
Azaroaren 25ean Indarkeria Matxistaren Aurkako Nazioarteko Eguna izango da eta, arrazoi horregatik, Eusko Jaurlaritzak adierazpen instituzionala onartu du astearte honetan. Hala, genero indarkeriaren aurrean, “berdintasunean oinarritutako neurri gehiago” bultzatzeko prest agertu da.
Josu Erkoreka Eusko Jaurlaritzako bozeramaileak adierazpen hori irakurri du eguerdian, Gobernu bileraren ostean egindako ohiko agerraldian.
Erkorekaren esanetan, “emakumeen aurkako indarkeriarik gabe berdintasunean oinarritutako gizartea lortzeko konpromisoa berretsi du Jaurlaritzak”. Hala, genero indarkeriaren “adierazpen guztien aurkako gaitzespen irmoa” adierazi du.
Jaurlaritzak gogora ekarri duenez, “desberdintasuna da genero indarkeriaren oinarria eta, ondorioz, ezinbestekoa da berdintasunaren alde lan egitea emakumeen aurkako indarkeriarik gabeko gizarte bat eraikitzeko”.
Gauzak horrela, Erkorekak nabarmendu du herritar guztien inplikazioa funtsezkoa dela genero indarkeriari aurre egiteko.
“Jaurlaritzak bai esaten dio Emakumeen aurkako indarkeriaren aurrean beharrezko berdintasun-politikak hartzeari, neska-mutilek estereotipo eta rol sexisten mugarik gabe hazteko eta haien bizitza-proiektuak garatzeko duten eskubideari, errespetuan oinarritutako harremanak sustatzeari, eta baita herritarrak, eta, bereziki gizonezkoak, berdintasunarekin inplikatzeari ere”, esan du Erkorekak.
Gauzak horrela, genero indarkeria pairatu duten emakumeei babesa ematen dieten profesionalei eskerrak eman dizkie Jaurlaritzak.
Hala, emakumeen aurkako indarkeriari aurre egiteko gizarte osoaren inplikazioa ezinbestekoa dela azpimarratu du Erkorekak, eta Emakunde bezalako sailekin elkarlanean genero indarkeriaren aurrean emandako aurrerapausoak nabarmendu ditu.
Azkenik, igande honetan, azaroak 25, Indarkeria Matxistaren Aurkako Nazioarteko Egunean, toki askotan egingo diren elkarretaratzeetan parte hartzeko deia egin die herritarrei.
__________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Albiste gehiago politika
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.