Talde parlamentarioaren izen aldaketak eragin omen du Nafarroako Ahal Duguren krisia
Urak arre, Nafarroako Ahal Dugun. Aznarez, Saez eta Buil talde parlamentariotik botatzeko erabakiaren biharamunean, azalpenak eman dituzte gaur Orain Baiko diputatuek. Azaldu dutenez, Ahal Dugu taldeari izena aldatzearen kontra Ainhoa Aznarez Parlamentuko presidenteak aurkeztutako salaketa izan da kanporatzearen arrazoia.
Carlos Couso Orain Bairen bozeramailea prentsaurrekoa azaldu da gaur, Fanny Carrillo, Ruben Velasco eta Laura Perez ondoan zituela. Horren ustez, hiru diputatuak taldetik baztertzeak ez dio Nafarroako Gobernuari kalterik egingo, legegintzaldiko gairik garrantzitsuenak "konponduta" daudelako.
"Denetik jasan behar izan dugu. Aldaketaren bahituak sentitu gara, eta horregatik ez dugu erabakia lehenago hartu", erantsi du.
Cousok aitortu duenez, hiru parlamentariak baztertzeko erabakia "ez da erraza izan" eta "mingarria da", baina ez omen dute "beste aukerarik izan". Orain Baiko kidearen esanetan, "jendea apur bat harrituta egongo da, eta barkamena eskatu nahi dugu horregatik".
Aznarez, kritika guztien jomuga
Cousok Ainhoa Aznarez Nafarroako Parlamentuko presidentea estu hartu du. Salatu duenez, bera buru den erakundearen aurka joateaz gain, Parlamentuko gaien zerrenda "manipulatu" du, "berari interesatzen ez zitzaizkion gaiak aterata". "Utzikeriaz jardun du Aznarezek bere postuan", erantsi du.
Aznarezek egindako salaketari —Orain Baiko kideek talde parlamentarioaren dirua eskuratu nahi dutela esan zuen atzo— erantzunez, Cousok esan du ez dutela "inoiz zentimo bakar bat ere" erabili eta aurrerantzean ere horrela jarraituko dutela.
Are, diru-laguntzak blokeatuta ez zeudenean, Nafarroako Ahal Duguk diru hori —18.000-20.000 euro artean hilero— nominak ordaintzeko erabiltzen zuela salatu du. "Liberatu gehien dituen alderdia izan daiteke Nafarroako Ahal Dugu", erantsi du ironiaz.
Krisiaren lehen eragilea Eduardo Santos idazkari nagusi aukeratu zutenekoa izan zela azaldu du Cousok ("sekulako hauteskunde-iruzurra", horren ustez). Gogora ekarri duenez, 28 botoko aldeagatik irabazi zion Santosek Laura Perezi. "Bozketa sistema telematikoa Madriletik kontrolatzen dute, eta egun hartan Perezen aldeko askok ezin izan zuten botoa eman. Mikel Buil hauteskunde batzordeko idazkari nagusiak ez zuen ezertxo ere egin gure salaketen aurrean", azaldu du.
Zure interesekoa izan daiteke
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".