'Elkarrizketa sinesgarria, zintzoa eta ausarta' eskatu dio Torrak Estatuari
Quim Torrak, Generalitateko presidenteak "injustiziaren kontra egiteko eta zapalketaren harresiak botatzeko" deia egin du, datorren urtera begira, prozesu independentistaren epaiketa egingo denean, eta Konstituzio Auzitegiak baliogabetutako lege sozialak betetzeko tramitazioa martxan jarriko duela esan du.
Urte bukaerako mezuan, Torrak zera defendatu du: "Laster hasiko den urtea askatasunaren agindu demokratikoa burutzeko balio behar zaigu", eta Robert Kennedyren hitzak aipatu ditu. Soilik asko arriskatzen dutenek asko lortu dezaketela esan zuen senatari estatubatuarrak.
Hitzaldian, presidenteak batasuna eta elkartasuna eskatu du, eskubide zibil, sozial eta politikoen defentsan, "sendotze demokratikoan urte asko atzera botatzen gaituen oldarren aurean".
"Batasunean indartsuago izan behar gara", adierazi du Torrak. Horrekin batera, eztabaidari, negoziazioari eta nazioarteko bitartekaritzari aipamena egin die Kataluniako egoera politikoari irtenbidea bilatzeko.
Gainera, giza eskubideen defentsa aldarrikatu du, "mesfidantzak eta desadostasunak albo batera utzita, eta elkartasuna herri osoko adierazle izanda".
Gainera, "elkarrizketa sinesgarria, zintzoa eta ausarta izateko borondatea" eskatu dio Espainiako Estatuari, "irtenbide politikoa eta demokratikoa izateko", eta muturreko eskuina eta faxismoa isolatu ahal izateko.
Torraren iritzian, egungo egoera politikoa "oso larria" da, baina gaineratu du itxaropenari eta autokonfiantzari eusteko borroka utzi duela 2018ak.
Zentzu horretan, Generalitateko presidentearen hitzetan, Kataluniako gizartearen % 80 ados dago hiru gaitan: "errepublikanoak garela eta horrela sentitzen garela; ez dugula zigor-errepresiorik onartzen auzi politikoak eta demokratikoak konpontzeko, eta autodeterminaziorako eskubidea gauzatu nahi dugula".
"Berriro aurrea hartzeko, denbora eta indarrak areagotzea" proposatu die katalanei Generalitateko presidenteak, horren esanetan, bakarrik askatasun kolektiboak ekar dezakeelako espetxean eta atzerrian dauden preso independentisten askapena.
Bestalde, 2018ak Katalunian utzitako "datu ekonomiko onak" azpimarratu ditu Torrak, hala nola, BPGen hazkundea 20 hiruhilekoz jarraian, langabezia-tasaren beherakada 60 hilabetetan, eta esportazioen gorakada.
Amaitzeko, demokrazia, justizia eta bakea defendatu ditu, eta urriaren 1eko eta urriaren 3ko ausardia, indar kolektiboa eta duintasuna azpimarratu ditu, esanez: "prest gaude askatasunaren urterako, gerturatzen ari baita".
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.