Amurriok salatu egin du herriko familia baten aurka tiroz egindako erasoa
Amurriok aho batez gaitzetsi du igandean ezker abertzaleari lotutako familia baten etxearen aurka tiroz egindako erasoa. Susmagarria inguruan bizi den polizia ohi bat da. Ertzaintzak identifikatu egin zuen, baina ez dute atxilotu. Erasoan ez zen inor zauritu, bederatzi milimetroko balak etxeko sukaldeko leihoa zulatu zuenean familia barruan zegoen arren.
Udalak adierazpen instituzionala onartu du goizean, erasoa gaitzetsi eta gertatutakoa argitzea eskatzeko, eta elkarretaratzea deitu du arratsalderako. Udalean ordezkaritza duten alderdi guztietako ordezkariak (EAJ, EH Bildu, Orain Amurrio, PSE, PP eta Guk Bai) izan dira 15 minutuko bilkuran, tartean Josune Irabien Amurrioko alkatea.
Erasoaren biktimak han izan dira, eta Mertxe Azkarragak hartu du hitza, familiaren izenean. Gertakariak nola jazo ziren kontatu ostean, senideen "bizitza arriskuan" egon zela azpimarratu du. "Tiro egin zuenak ez du lortuko gu beldurraraztea, gure arbasoen etxetik joatea edo gure ideia politikoei uko egitea", adierazi du.
Arabako Sorturen bozeramaileak ere hitz egin du komunikabideen aurrean, eta Amurrioko alkatearen adierazpenak kritikatu ditu, "gertakari isolatu bat" izan dela esan duelako goizean. "Eskuina mugimendu independentisten aurka tentsioa, indarkeria eta gorrotoa zabaltzen ari den testuinguruan eman den erasoa izan da", ohartarazi du.
Gertatu dena oso larria dela, eta, beste kasu askotan ez bezala, oraingoan ez direla neurriak hartu salatu du. Dena argitzeko eta erasotzailea atxilotzeko "Ertzaintza egin beharrekoa egiten ari dela pentsatu nahi dugu", gaineratu du Sorturen arduradunak.
Bilkura amaitutakoan, 19:00etan, manifestazioa egin dute herrian, Sortuk deituta. 'Faxistak ez dira pasako. Euskal Herria aurrera!' lelopean, mobilizazio jendetsua egin dute, kaltetutako familiari babesa agertzeko eta erasoa salatzeko.
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.