Amurrioko ezker abertzaleko familia baten baserriaren aurka tiro egin dute
Ezker abertzaleko familia baten baserriaren aurka tiro egin zuten igandean, Amurrion (Araba). Ertzaintzak ikerketa bat ireki du eta gizonezko bat identifikatu du gertakariarekin lotura duelakoan, Eusko Jaurlaritzako Segurtasun Sailak eitb.eus-i jakinarazi dionez. Oraindik, baina, ez dute inor atxilotu.
Gertakariak atzo 11:00ak aldera jazo ziren, Lezamako kontzejuan kokatutako baserri batean. Zorionez, eta etxean bikotea eta euren semea zeuden arren, ez zen inor zauritu.
ETBri gaur kontatu diotenez, zarata bat entzun zuten, baina hasieran ez zioten aparteko garrantzirik eman, leihoa zulatuta ikusi zuten arte. Zer gertatzen zen ikustera atera zirenean, inguruan bizi den gizon bat ikusi zuten, polizia ohia. Ertzaintzak gizona identifikatu du eta erasoarekin loturarik duen ikertzen ari da.
aiaraldea.eus webguneak azaldu duenez, bederatzi milimetroko bala sukaldeko leihotik sartu zen. Baserriaren jabeek -Amurrioko ezker abertzaleko familia ezagun bat- salaketa jarri dute. Aita Sortuko kidea da, eta alaba, Ernai gazte erakundekoa. Leihoan euskal presoen eskubideen aldeko ikur bat zeukaten eskegita.
Lekukoek Aiaraldeko hedabideari esan diotenez, ez da posible tiroa ehiztari batek egitea edo familia liskarren ondorio izatea.
Ertzaintzaren arabera, berriz, "hipotesi guztiak" irekita daude.
Sortuk "isiltasuna" eta "pasibotasuna" salatu ditu
Amurrioko erasoa "oso larria" izan dela eta, hala ere, hainbat komunikabide eta alderdi politiko "isilik" geratu direla salatu du Arkaitz Rodriguez Sortuko idazkari nagusiak arratsalde honetan Donostian egin duen agerraldian.
Halaber, segurtasun indarren eta epaileen jarrera ere salatu du, ustezko egilea identifikatu dute arren, haren aurka inolako neurrik hartu ez dutelako. "Pasibotasunez" aritzea eta, kasuaren arabera, jokabide ezberdina izatea leporatu die.
"Zer gertatuko litzateke kontrakoa izango balitz? Zer gertatuko litzateke tiroa leihoan Espainiako bandera duen etxebizitza baten aurka egin izan balitz?", galdetu du.
Rodriguzen esanetan, Amurrioko gertakariaren atzean "inkontrolatu bat" dago, baina eraso hori testuinguru zehatz batean jazo dela azpimarratu du. "Demokrazia inboluzioan dago eta Estatua indarkeria erabiltzen ari da, Euskal Herriarentzat eta Kataluniarentzat eskaintza demokratikorik ez duelako", azaldu du.
Era berean, Alderdi Popularra, Ciudadanos eta Vox izaten ari diren jarrera salatu du. "Hiru etsai sortu dituzte: Euskal Herriko eta Kataluniako independentismoa, emakumeak eta migratzaileak".
"Arazoa ez da Vox. Arazoa PP, Ciudadanos eta Vox dira. Hiru alderdi horiek sortu duten egoerak ahalbidetu du atzoko moduko erasoak gertatzea eta errepikatzea", nabarmendu du.
Erasoa salatzeko eta kaltetutako familiari babesa adierazteko, Sortuk manifestazioa deitu du astearte honetan, 19:00etan, Amurrion.
BIDEOA | Arkaitz Rodriguez: "Gure babesa agertu nahi diogu Amurrioko familiari"
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.