'Espainiatik datozen uhinak' Euskadin eragina izaten ari direla esan du Ahal Duguk
Ahal Dugu Euskadiko idazkari orokor Lander Martinezek ohartarazi duenez, "Pablo Casadoren PPk eragindako krispazio" egoeraren "uhinak" Euskadiko politikara heltzen ari dira. "Euskadin blokeoa egoteko benetako arriskua" dagoela uste du, "erakundeen lana geldiaraziko duena eta Euskadiko pertsona askori eragiten dieten arazoei konponbideak jartzea eta gizarte bezala aurrera egitea galaraziko diguna".
Gasteizko egoitzan egindako ekitaldi politikoan, Martinez kezkatuta agertu da Madrilgo manifestazioagatik, "Estatua bitan zatitzea eta polarizaziotik etekin politikoa ateratzea bilatzen duelako". Esan duenez, Casado eta Marotoren PPk deitu du "bere azken ustelkeria kasua estaltzeko".
"Alderdi politikoek ez dugu errealitatea zuri-beltzean margotu behar. Casadoren PP egiten ari den bezala, ñabardurei bizkarra ematea, eta Ciudadanos eta Voxeko aliatuek herritarrek aspaldi utzitako iraganera bidaltzen gaituzte berriz; Euskadik gaindituta daukan iraganera. Ez dugu onartzen haien demagogiak gure elkarbizitza kaltetzea", esan du.
"Espainiako egoera politikoaren uhinak Euskadiko politikara heltzen ari dira, modu desberdinetan", ohartarazi du Martinezek.
"Ematen du EAJk hauteskunde igande handiagatik kezkatuago dagoela, Euskadin akordioak lortzeaz baino; PSE, Euskadin profilik gabe, Pedro Sanchezen etorkizunari lotuta dago; Euskadiko PP, Casadoren estrategiak markatuta, ez du hitzarmenik bilatuko eta ahal duen guztia ezegonkortzen saiatuko da; EH Bildu, bitartean, kosta ahala kosta EAJrekin hitzarmenaren argazki bat atera nahian dabil, subiranotasunaren aldeko fronte bat hasteko eta Espainiako egoerari aurre egiteko", uste du.
Egoera horren aurrean, Ahal Duguren ustetan, "Euskadin blokeoa egoteko benetako arriskua dago, "erakundeen lana geldiaraziko duena eta Euskadiko pertsona askori eragiten dieten arazoei konponbideak jartzea eta gizarte bezala aurrera egitea galaraziko diguna".
"Aste honetan ikusi dugu Euskadi blokeo egoeran sartzen ari zela, Eusko Jaurlaritzaren arduragabetasunak eragindako blokeoan. Elkarrizketaren gobernua deitzen diote beren buruari, baina gero negoziatzea informatzearekin nahasten dute", kritikatu du.
Zentzu horretan, ohartarazi du "legealdiari geratzen zaion hilabeteetan gehiengoak bilatzea konstantea izango dela, eta Jaurlaritzak hautatu beharko du Euskadik duen behar honen aurrean bere burua non kokatzen duen". "Modu zintzoan eta hitzarmenak lortzeko borondatearekin joka dezake, ala bestela, Eusko Legebiltzarreko negoziaketak hauteskunde bataila-eremu bezala erabili ditzake", esan du.
Zure interesekoa izan daiteke
Etchegarayk eta Blancok Baionako eta Biarritzeko alkate kargua hartuko dute gaur
Atzo, aldiz, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzulian aukeratutako alkate karguak hartuta, argitzeke dagoen bakarra da Euskal Hirigune Elkargoko presidente izateko hautagaiak nortzuk izango diren.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.
Delituak errepikatzen dituztenei aplikatu beharreko irizpideak gogortzea adostu dute Pradalesek eta Sanchezek
Arma zuriak eramateagatik indarrean dagoen zehapen-araubidea indartu egingo da, aldaketak bultzatuko dira delituak errepikatzen dituzten delitugileekin erabili beharreko araudian, eta Ertzaintzak atzerritartasun esparruan parte-hartze operatibo "erabilgarria" izatea erraztuko da.
Euskadik aireportuen kudeaketan parte hartuko du, lehendakariak Pedro Sanchezekin adostu ostean
Bilkurak bestelako akordio batzuk ere ekarri ditu, hala nola herritarren segurtasuna hobetzekoak edo industria arloko enpresa ertain eta txikiei laguntzeko neurriak.
Pradales Sanchezekin bildu da Irango gerra, Euskadi iparraldeko muga gisa hartzea eta medikuen greba aztertzeko
Transferentziak eta Tubos Reunidosen zorraren berregituraketa ere aztertuko dituzte. Espainiako Gobernuak eta Eusko Jaurlaritzak Aldebiko Batzordearen laugarren bilera dute gaurkoa Moncloan.
Euskal Herria Bateraren ekitaldia
Lizarratik zuzenean, Aberri Egunaren ospakizun bateratua.
Albiste izango dira: Pradales-Sanchez bilera, Korrika eta 2026ko EITB Maratoiaren kausa
Gaurkoan Orainen albiste izango direnen laburpena, bi hitzetan.