Otegik subiranista, errepublikar eta aurrerakoiak batu eta erabakigarri izan nahi du
Arnaldo Otegi EH Bilduren koordinatzaile nagusiak apirilaren 28ko hauteskunde orokorretan indar "subiranistek, errepublikanoek eta aurrerakoiek" bat egitea proposatu du, "eskuinaren alternatiba izateko" eta "Espainiako Estatuaren bilakaeran erabakigarri izateko".
Alternatiba hori "Galiziatik, Kataluniatik eta Euskal Herritik" iritsiko dela uste du Otegik, eta agerian uzten duela ez dutela "partida alderdi politikoen ikuspegi alderdikoiarekin jokatuko", baizik eta "subiranista, errepublikano eta aurrerakoi guztiekin" elkar hartuta.
Otegik hitzaldia eman du gaur EH Bilduren Asanblada Nazionalean, Iruñean, apirilaren 28ko hauteskunde orokorretarako hautagaiak aukeratzeko prozedura onartzeko ekitaldian.
Bertan ziren, bestak beste, Bakartxo Ruiz EH Bilduren Nafarroako presidentegaia, Pello Urizar EAko idazkari nagusia, Nafarroako hainbat parlamentari eta Iruñeko Udaleko zinegotziak.
EH Bilduren buruzagiak azpimarratu du bere proposamenak "erabakigarri" izan nahi duela "Espainiako Estatuaren bilakaeran", eta ez dituela "asmoak ezkutatzen". Hala, proposamena "errepublikanoa" dela azaldu du, "autodeterminazio eskubidea" defendatzen duela, "austeritate politiken aurkakoa" dela eta "preso politiko guztiak etxera libre" itzultzearen alde egiten duela.
Arnaldo Otegik jakinarazi du helburu hori lortzeko "lanean" ari direla, "ardurarekin eta diskrezioz". "Batzuk esaten digute indarrak batzeko apustua ia ezinezkoa dela", esan du EH Bilduren buruzagiak, eta gaineratu du bide hori hartzea "ardura historikoak" eskatzen duen zerbait dela , eta "albiste onak" espero dituela, "asko delako jokoan dagoena".
Zure interesekoa izan daiteke
PPk irabaziko lituzke hauteskundeak Aragoin, baina akordioak beharko lituzke gobernatzeko
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.