Espetxeen kudeaketarako transferentzia eskatu du Eusko Legebiltzarrak
Espetxeen kudeaketarako eskumena Euskadira transferitzea eskatu dute Eusko Legebiltzarreko talde guztiek, PPk izan ezik. Gernikako Estatutuan jasota dagoen bezala transferitzea aldarrikatu dute, “zentzuzko” espetxe eredu “demokratiko” baterantz aurrerapausoak emateko, giza eskubideak errespetatzeko.
Bestalde, Gasteizko Ganberak Elkarrekin Podemosen proposamen bat onartu du, erkidegoan “erroturik dauden preso guztiak” Euskadira hurbiltzea eskatuz. Talde politiko guztiek ekimena babestu dute, PPk salbu.
Eusko Jaurlaritzak proposatutako espetxeetako ereduak kartzelaren erabilpena gutxitzearen alde egiten du, soilik "beste aukerarik ez dagoen" kasuetan erabiltzeko "muturreko aukera" bezala. Helburuen artean dauka presoen % 40k zigorrak erregimen irekian betetzea.
Maria Jesus San Jose Lan eta Justizia sailburuak Exekutiboa prestatzen ari den espetxeetako kudeaketa ereduaren printzipioak eta helburuak aurkeztu ditu, Pedro Sanchezen Gobernuak egindako egutegiak 2020rako ezarri duen eskumen honen transferentziaren negoziazioari begira.
San Josek espetxeei buruzko Eusko Legebiltzarraren bilkuran aurkeztu ditu ereduaren ardatzak, EH Bilduk eskatuta. Azpimarratu duenez, transferentzia hau ez da "prebenda" bat, eta posible da, Katalunian izan zen bezala, EAEko administrazioak espetxeetako zuzendaritza, antolaketa eta inspekzio funtzioak bereganatzea.
EAEn 1.314 pertsona daude espetxeratuta (1.191 gizon eta 123 emakume). 60 preso daude 100.000 biztanleko. Eusko Jaurlaritzak 40ra jaitsi nahi du tasa hori.
Espetxearen erabilpena gutxitzean eta birgizarteratzean oinarritzen den ereduaren alde egin du sailburuak, genero ikuspegia eta ikuspuntu konpontzailea hartuko dituena.
San Josek defendatu duenez, espetxeratzea "muturreko aukera" izan behar da, eta horregatik presoen % 40k zigorra erregimen irekian betetzearen alde egin du. Gaur egun % 28k dute hirugarren gradua.
Erdiesteko, Eusko Jaurlaritzak sistema integral bat eta birgizarteratzearen aldekoa bultzatu behar duela esan du sailburuak, "epaileei eremu irekiko neurriak ezartzeko bermeak ematen dizkiena".
Erregimen irekiko onurak berrerotze indizeen hobekuntzarekin lotu ditu San Josek. % 30tik behera egotea nahi du Jaurlaritzak.
Helburu horietara hurbiltze aldera, Eusko Jaurlaritzak norbanakoei laguntzeko erremintak garatzea, espetxeetako langileak heztea eta komunitatearen aldeko lanak sustatzea, beste neurrien artean.
EH Bilduk bere proposamenak defendatu ditu. Horien artean dago administrazio-egoitza EAEn duten presoek zigorrak autonomia erkidegoan betetzea. PPk eta PSE-EEk ETAko presoak hurbiltzea bilatzen duela aurpegiratu diote koalizioari. Hori helburu legitimoa da EAJ eta Elkarrekin Podemosentzat, baina biek ohartarazi dute hori ezin dela ereduaren eztabaidaren zio nagusia izan.
Jone Goirizelaiak (EH Bildu) Eusko Jaurlaritzaren neurriak kritikatu ditu "berde" egoteagatik, eta uste du posible litzatekeela, behin eskumena izanda eta dekretuen bitartez, euskal preso guztiek zigorra EAEn betetzea.
Eredua "erroetatik" aldatzearen alde egin du abertzaleak, "presoak duintasunez tratatzen dituen eta, alde batera utzi beharrean, berreskuratzen saiatuko den" eredu propio bat egitea defendatu du. Horretarako, beste neurrien alde egin du.
Joseba Zorrillak (EAJ) eskumena transferitzea aldarrikatu du, Euskadik "gai honetan eredu eman ahal izateko", eta PPren eredu penaletik urrun egon dadin. EH Bildurik autokritika eskatu dio, eta azpimarratu du terrorismoak "asko baldintzatu duela" espetxe politika.
Juan Luis Uriak (Elkarrekin Podemos) birgizarteratze programak hobetzeko aldarrikatu du transferentzia, eta esan du taldeen arteko adostasun maila altua dela.
Alexia Castelo (PSE-EE) ziur agertu da transferentzia egin egingo dela, eta argi utzi du bere alderdiak euskal eredua "soziala eta birgaitzailea" izatearen alde dagoela.
Azkenik, Nerea Llanosek (PP) espetxe politika, transferentzia egon ala ez, Estatuaren eskumena dela gogorarazi du, eta ohartarazi du espetxeen kudeaketa Euskadin egotea ez dela hobetuko denaren berme bat. Adibide bezala Lanbide jarri du; bere ustez, "kaos bat" da.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.