San Prudentzio efektua: Mahaiko 1.006 kide berri aukeratu dituzte Gasteizen
Apirilaren 28ko hauteskunde orokorretan mahaiak osatzeko aukeratu dituztela jakinaraziko die Gasteizko Udalak 1.006 herritarri astearte honetatik ostiralera bitartean; izan ere, lehen hautaketako hainbat pertsonak alegazioak aurkeztu zituzten, eta Hauteskunde-batzordeak onartu ditu.
Apirilaren 1ean Udalak 2.781 pertsona zozketa bidez aukeratu zituen 309 mahaiak osatzeko. Erabakiaren berri emateko lehen prozesuari hasiera eman zion Udalak, eta ezin izan zen pertsona guztiekin harremanetan jarri.
Gainera, mahaiko kideak izan behar zirenek alegazioak aurkezteko epe bat izan dute, eta horietako asko onartu ditu Hauteskunde-batzordeak.
Horrela, Hauteskunde-batzordeak 1.006 jakinarazpen berri egiteko eskatu dio Udalari, hauteskunde mahaien osaketa bermatzeko, Udalak azaldu duenez.
Honenbestez, aurreneko deialdian aukeratutako mahaiko kideen 1.006 alegazio onartu dituzte, edo Udaltzaingoak ez zuen jakinarazpenik entregatzea lortu.
Datu pertsonalen konfidentzialtasuna blindatzeko, Udalak ez du izenen zerrendarik argitaratuko. Ondorioz, aukeratuak izan diren ala ez jakiteko, pertsona interesdunek auzoko udal-bulegoetara jo beharko dute ostegunetik aurrera.
Pedro Sanchez Espainiako gobernuburuak hauteskundeen eguna iragarri baino lehen bidaia kontrataturik izatea mahaitik libratzeko arrazoietako bat izan daiteke. Aurten faktore erabakigarria da Araban; izan ere, bost eguneko zubi bat izatea posible da lurralde historiko horretan, kasu batzuetan Pazko astearekin lotuz.
San Prudentzio jaia (apirilak 28) igandea da, eta apirilaren 29ra atzeratzea erabaki dute. Arabar askok zubi luzeaz gozatzeko aukera izango dute, Maiatzaren Leheneko jaieguna barne.
San Prudentzion beste toki batzuetara joateko ohitura dute Arabako familia ugarik. Horrek eragin du alegazioen gorakada hauteskunde mahaiko kide ez izateko, baita posta bidez botoa emateko eskaerak gora egitea ere; izan ere, arabar asko kanpoan izango dira hauteskunde egunean.
Albiste gehiago politika
Puigdemontek babes-helegitea jarri du Auzitegi Konstituzionalean eta atxilotze-agindua baliogabetzeko eskatu du
Auzitegi Gorenak eta instrukzio-epaileak emandako autoei jarri die errekurtsoa. Gorenak amnistia ukatu zion, diru publikoa bidegabe erabiltzea leporatzen diotelako.
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.