Posta bidezko boto eskaerak % 333 egin du gora Araban, sanprudentzioen eraginez
Kongresurako eta Senaturako aurreko hauteskunde deialdiarekin (2016) alderatuta, martxoaren 5etik apirilaren 1era posta bidezko boto eskaerak % 333 egin du gora Araban, hilabete bukaerako jaiegunen eraginez.
Arabako Hauteskunde-errolda Bulegoak azaldu duenez, postazko botoa eskatu duen pertsona kopuruak gora egin izanaren arrazoi nagusia jaiegunak dira. Apirilaren 28a Pazko astearekin eta San Prudentzio Arabako zaindariarekin batera helduko da.
San Prudentzio apirilaren 28an ospatzen da, baina aurten igandea da, eta jaieguna astelehenera (apirilak 29) pasa dute. Horrela, arabar ugarik zubi luzea izango dute, Maiatzaren Lehena barne.
San Prudentzio egunean Arabako familia asko kanpora doaz, eta Hauteskunde-bulegoak faktore hori erabakigarritzat jo du eskakizunen gorakada aztertzeko orduan; izan ere, herritar ugarik bidaiak ordainduta edo planifikatuta zituzten, Pedro Sanchez Espainiako gobernuburuak hauteskundeak apirilaren 28rako deitu baino lehen.
Posta-botoa eskatzeko epea martxoaren 5ean hasi zen, eta apirilaren 18an bukatuko da. Prozesua abiatu zenetik arabarren eskaerek ikaragarri gora egin dute. Horrela, apirilaren 1era arte 22.100 eskakizun jaso dira, aurreko hauteskunde orokorretan 5.100 izan zirenean.
Epea amaitzeko 18 egun falta direnean, orain arte jasotako eskaerek 2016ko ekainean izan ziren 14.000 eskakizunak aise gainditu dituzte. 2015eko abenduaren 20ko hauteskundeetan 5.800 eskaera izan ziren.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.