Estatuarekiko harremanean erabakitzeko eskubidea aldarrikatu du Eusko Legebiltzarrak
Euskadiren eta Espainiako Estatuaren arteko harreman eredu berri bat aldarrikatu du Eusko Legebiltzarrak, “berdintasun, aldebikotasun eta itunean” oinarritutakoa. Horretarako, berme sistema bat eta erabakitzeko eskubidea eskatu ditu Ganberak.
EAJk eta EH Bilduk zuzenketa adostu dute, koalizioak mozioa aurkeztu ondoren. PSE-EEk eta PPk aurkako botoa eman dute, eta Elkarrekin Podemos abstenitu da.
Gernikako Estatutua garatzeko eskaera berretsi du Ganberak testuan, eta euskal autogobernua “eragotzi, hustu eta baldintzatu” nahi duten estrategia eta adierazpen politikoak arbuiatu ditu.
Horregatik, Lomce, lan erreforma eta mozal legea bezalako araudiak indargabetzea eskatu du Legebiltzarrak. Era berean, espetxe politikaren “salbuespenarekin” bukatzea aldarrikatu du Ganberak, beste lurralde batzuetan zigorra betetzen ari diren presoak hurbiltzea eskatuz. Azkenik, gaixotasun larriak eta sendaezinak dituzten presoak aske uztea eskatu du.
Gainera, “Estatuko sektore eta alderdi batzuek” oinarrizko eskubideen aurka egindako erasoak errefusatu ditu Ganberak, “ideologiak legez kanpo uztea eskatzera ere heldu baitira”.
“Elkarrekiko errespetu eta leialtasun instituzional zintzo” bat sendotzeko Estatuarekin harreman eredu berri bat ezinbestekoa dela uste du Legebiltzarrak, Estatutua ez betetzea eta “horren erabilpen politikoa egitea” ezinezkoa izateko. Zentzu horretan, “berdintasuna, aldebikotasuna eta ituna”, aldarrikatu ditu Ganberak.
Ereduak berme sistema bat eta autodeterminazio eskubidea gauzatzeko bideak jaso behar ditu.
Autogobernua eguneratzeko orduan, eskumenak berritzeko eta egokitzeko garaian, euskal gizartearen eskakizun eta beharrizanak kontuan izan behar direla azpimarratu du Ganberak, herritarren eskubide politiko, ekonomiko, sozial eta kulturalak bermatzeko helburuarekin.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.