Presoen defentsarekin lotuta auzipetutako 47 lagunak irailaren 16an epaituko dituzte
Irailaren 16an hasiko da Auzitegi Nazionalean presoen eskubideen defentsarekin lotuta auzipetutako 47 lagunen aurkako epaiketa, eta aurreikusitakoaren arabera, gutxienez, hiru hilabeteko iraupena izango du.
11/13 sumarioan auzipetutako pertsona guztiak aske daude gaur egun, epaiketaren zain, duela bospasei urte Guardia Zibilak batzuk atxilotu bazituen ere. Harrezkero 15 egunetik behin epailearen aurrean agertu dira, eta ostegun honetan bertan bidalitako agirian gogora ekarri dutenez, debekatuta izan dute Espainiako Estatutik ateratzea.
"Mobilizazioak antolatzeagatik, presoak epaitegietan defendatzeagatik, bitartekari lanak egiteagatik eta senitartekoak izateagatik epaituko gaituzte", salatu dute.
"Estatuaren estoldetan jaiotako aldrebeskeria juridiko eta soziala da hau. Gure lana publikoa izan da, eta helburu jakin batzuk izan ditugu: euskal presoen eskubideak defendatzea, behingoz Euskal herrian bake eta justizia agertoki bat posible izan dadin", gaineratu dute.
Fiskaltzak 8 eta 20 urte bitarteko zigorrak eskatu ditu
Fiskaltzak 8 eta 20 urte bitarteko espetxe zigorrak eskatu ditu presoen abokatuen eta Herrira, Jaiki Hadi, Etxerat eta EPPK kolektiboen kontrako operazioekin lotuta auzipetu dituzten 47 lagunentzat.
Abokatuen kasuan, 11 urteko zigorra eskatu dute gehienentzat, baita Etxerateko kideentzat ere. EPPKren bitartekari izateagatik epaituko dituzten auzipetuentzat, berriz, 8 eta 14 urte bitarteko zigorrak eskatu dituzte. Arantza Zulueta abokatua dago horien artean.
Azkenik, Herrira mugimenduan parte hartzeagatik zigortu nahi dituzten lagunek 13 eta 20 urte bitarteko zigorrei egin beharko diete aurre, baldin eta epaileak fiskalaren eskaria onartzen badu. Fran Balda da, hain zuzen, zigorrik handiena bete beharko duena: 20 urte eta erdi.
Zure interesekoa izan daiteke
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".