Josu Urrutikoetxea Parisko Hotel Dieu ospitalean dago ingresatuta
Josu Urrutikoetxea ETAko buruzagi izandakoa Parisko Hotel Dieu Ospitalean ingresatuta dago, atxilotuaren gertuko iturriek ETBri baieztatu diotenez.
Urrutikoetxea ostegunean atxilotu zuten Frantziako Alpeetako Sallanches herrian, eta atzo agindu zuen epaileak haren espetxeratzea. Aldez aurretik, Parisko Fiskaltzak atxiloketa aginduaren berri eman zion.
Epailearen agindua jaso ondoren Santeko kartzelara eraman zutela zabaldu bazen ere, gaur familiak baieztatu du erietxean ingresatuta dagoela atzotik. Ez zuten espetxera eraman.
Antza, ebakuntza bat egitera zihoan atxilotu zuten unean, "gaixotasun larri bat du", eta hori dela eta, kezka agertu dute senideek bere osasun-egoeraren inguruan.
Gaur arratsaldean, 18:30ean, Urrutikoetxearen atxiloketa salatzeko eta haren askatasuna eskatzeko manifestazioa egin dute Ugaon, bere sorterrian. 2.000 pertsona inguruk hartu dute parte mobilizazio horretan.
Amaieran, Urrutikoetxearen semeak igorritako mezua entzun ahal izan da.
8 urteko kartzela-zigorra ezarri zion Frantziak 2017an
Frantziak zortzi urteko kartzela zigorra ezarri zion Josu Urrutikoetxeari 2017an, auzi-ihesean zegoela. Presente egon gabe epaitua izan zenez, epaiketa berriro errepikatzea eskatu dezake.
Hala, 10 eguneko epea izango du du zigorraren aurkako helegitea aurkezteko, Patrice Guigon Bonnevilleko Auzitegiko fiskalak baieztatu duenez.
Urrutikoetxea Espainiaratzeko aukerez galdetuta, Guigon magistratuak azaldu du "Espainiako agintariek estradizioa eskatu dezakete eta Frantziak onartu egin dezake, beti ere, Frantzian betetzeke duen zortzi urteko zigorra betetzen duenean".
Zure interesekoa izan daiteke
Euskadik LABI aktibatu ahal izango du zibersegurtasuneko gertakari handien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.