Udaletako kontuak aurrekontuen negoziazioetatik bereizi behar direla dio Erkorekak
Josu Erkoreka Eusko Jaurlaritzako bozeramailea pozik agertu da EAJ eta PSE-EEk udal eta foru erakundeetan gobernatzeko akordioa berretsi izanagatik, "gizarteak babestu baitu alderdi biek batera egindako lana".
Pedro Sanchez Espainiako Gobernuko presidente inbestitzeko negoziazioen harira, "Madrili eskatzen diogu EAEko agendarekin bat etortzeko eta egiteke dauden transferentziak, inbertsio estrategikoak eta garapen ekonomikoari ekin diezaiola".
Hala ere, gobernu baten eta hurrengoaren arteko eteteak beti ondorio negatiboak dakartzala deitoratu du, eta horren ildotik, "Meritxell Batet Kongresuko presidente izendatua izan eta gero, solaskiderik gabe gelditu dela" salatu du. "Ez daukat nori deitu eskumenen transferentzien egutegiaren inguruko elkarrizketak berriro abiatzeko", gaineratu du. Bestalde, legealdiaren bermea lortzeko PSOEk dituen zailtasunen harira, "betoak eta lerro gorriak ertzera hurbildu eta Gobernuaren egonkortasuna aurkitzeko elkarrizketa sustatzea" aproposena izango litzatekeela azpimarratu du Eusko Jaurlaritzako bozeramaileak.
Larunbateko udalen osaketan EAJk eta PSE-EEk EH Bilduri hamaika alkatetza kenduko dizkiola eta horrek abertzaleek aurrekontuak babesteko estrategian ondorioak izan ditzakeela ikusita, Erkorekak esan du "gauza batek ezin diola besteari kalte eragin". Horrenbestez, "oposizioaren proposamenak alderik alde entzuteko prest gaude, gutxiengoan gobernatzen dugulako", esan du. Hori horrela, "haserrealdia izan arren, udaletan larunbatean gertatzen dena Legebiltzarrean egingo dutenetik bereizi behar dute, ezin baitute Legebiltzarreko lana udalen osaketara baldintzatu", azaldu du.
Osakidetzako azken lan eskaintza publikoan izandako irregulartasunen inguruan eta Nekane Murga Osasun sailburua azterketen filtrazioen berri zuela dioten informazioen harira, Erkoreak "garrantzirik gabeko datua dela" esan du, "inoiz ez baita Osakidetzako epaimahaikide izan, eta orain dela 15 urte komentario bat egin bazuen ere, horrek ez du harremanik bere erantzukizun politikoarekin". "Ez gaude Watergate kasuan", gaineratu du. "Ulergarria da oposizioa espantuka ibiltzea, oinarri gabeko salaketak egiten, Legebiltzarreko jokoa baita, baina ez dezagun kontua senetik atera", azpimarratu du.
Euskaltel eta Zegonaren harira, "deserrotzeko beldurrak oinarrik ez duela" azaldu du. Hala ere, langileen urduritasuna ulertzen duela esan du. Ildo horretan, akordioak eta kontsentsua beharrezkoak direla azpimarratu du, "inork ez dezan uste proiektua soberan dagoenik". Horrenbestez, sustraitzea ziurtatuta dagoela esan du.
Kataluniako politiko independentisten Auzitegi Goreneko epaiketaren inguruan, berriz, "zaila da erabateko indarkeria adierazpena egon izana baloratzea. Bai, ordea, adierazpen puntualen bat, baina ez auzipetuek bultzatutakoak. Katalunian gertatutakoak ez du matxinada izateko garrantzirik ezta tamainarik ere", azaldu du.
Euskal gizarteak Kataluniako auziari ematen dion babesagatik galdetuta, Erkorekak "gertutasun, solidaritate eta injustizia irudipena badagoela" esan du, baina "zer gehiago egin dezakegu?", galdetu du. Horrenbestez, Kataluniako prozesuaren antzeko bidea jarraitzeko aukera baztertu du.
Zure interesekoa izan daiteke
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".
Antxustegi, Euskal Enplegu Publikoaren Legearen aferaz: "Lasai gaude, ziur gaudelako lege honek Konstituzioa betetzen duela"
"Jauzi kualitatibo bat da, larria eta negatiboa, baina lasai gaude lege hau legezkoa delako. Hori horrela, Jaurlaritzak alegazioak aurkeztuko ditu", adierazi du komunikabideen aurrean.