EAJk esan du ezin daitekeela ziurtzat eman Sanchezen inbestidura babestuko duela
PSOEk Pedro Sanchez Espainiako Gobernuko presidente izendatzeko babesak bilatzen jarraitzen du. Jose Luis Abalos PSOEko Antolakuntza idazkaria, besteak beste, EAJko eta UPNko ordezkariekin bildu da gaur.
Batzarra amaituta, Aitor Esteban diputatu jeltzaleak esan du Alderdi Sozialistak ezin duela ziurtzat eman EAJk Sanchezen inbestiduraren alde bozkatu duela.
Bilera "adeitsua eta eraikitzailea" izan dela esan du, baina "PSOEren agenda estua dela eta", sakon hitz egiteko aukerarik izan ez dutela erantsi du.
Nolanahi ere, aurrerantzean bilera gehiago egingo dute, akordio batera heltzeko asmoz.
Jose Luis Abalos UPNko Carlos Garcia Adanerorekin ere batzartu da. UPNk berretsi egin dio orain arte adierazitakoa: PSNk Nafarroako Gobernua EH Bilduren abstentzioari esker eskuratu gero, Sanchezen inbestiduraren aurka bozkatuko dute.
Navarra Suma koalizioaren mesedetan, PSNk Nafarroan eta Iruñeko Udalean gobernatzeari uko egiten badio soilik ahalbidetuko dute UPNko diputatuek Sanchez Espainiako Gobernuko presidente izatea.
Independentisten babesa dela eta
Bestalde, azken egunotan Jose Luis Abalosek sarritan esan du ez duela alderdi independentisten menpe egon nahi, baina gaur adierazi du ez duela baztertzen talde independentistek Sanchezen inbestidura ahalbidetzea.
PSOEren helburua Sanchez lehenengo itzulian, gehiengo absolutuarekin, presidente izendatzea dela esan du, eta hori ezinezkoa balitz, bigarren itzulian, baiezko gehiago lortuta. Babesak bilatzerakoan independentistak ere kontuan hartzen dituen galdetuta, Abalosek ondokoa erantzun du: "350 diputatuak hartzen ditugu kontuan, denek balio bera dute".
Horrez gain, Abalos baikor agertu da, orain arte egindako bileretan "borondate eraikitzailea" antzeman duelako, "oztopoak jartzeko gogoaren gainetik".
Ildo berean, prozesua luzatzen bada ere, Espainiako Gobernuko presidente izateko alternatiba bakarra Sanchez dela azpimarratu du.
Albiste gehiago politika
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.
Eusko Jaurlaritzak espero du Estatuak "borondate politikoa" izatea "hartutako konpromisoak" egin egin daitezen
Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.
Gizarte Segurantzaren lehen blokearen balizko eskualdatzea “transferentzia oso mugatua, leihatila aldatzea” dela uste du ELAk
Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.