PSEk eta EAJk ituna bete eta Andoaingo eta Pasaiako alkatetzak eskuratu dituzte
Gipuzkoan, EAJ-PSE itunak hainbat alkatetza kendu dizkio EH Bilduri koalizio abertzalea bozkatuena izan bada ere, tartean Andoainen eta Pasaian. Elkarrekin Podemosek EH Bilduren aldeko apustua egin du beste udal batzuetan.
Andoain
Maider Lainez alkate izendatu dute Andoainen, PSE-EAJ ituna bete ostean, eta EH Bilduk, zerrenda bozkatuenak, ez du Alkatetzan jarraituko.
Lainezek aldeko 9 boto jaso ditu, 5 PSE-EErenak eta 4 EAJrenak, jeltzaleekin osatutako udal-gobernua adostu baitute. EH Bilduko Andoni Alvarezek, berriz, koalizioaren 7 zinegotzien botoak eskuratu ditu, eta Maria Teresa Santana Elkarrekin Podemosen hautagaiak bere buruari eman dio botoa.
Normaltasuna izan da nagusi osoko-bilkuran, udaletxea herritarrez gainezka bazegoen ere.
Hori horrela, PSE-EEk Andoaingo Alkatetza berreskuratu du, aurreko bi legegintzaldietan EH Bilduren esku egon ostean.
Duela lau urte Lainezek ez zuen aginte makila lortu EAJko zinegotzi independente batek itunari uko egin ziolako.
Pasaia
Izaskun Gomezek Pasaiko Alkatetzari eustea lortu du PSE-EEren eta EAJren botoei esker, eta herritar batzuen "lapurrak" oihu artean.
Junkal Mintegia buru zuen EH Bilduren zerrenda izan zen bozkatuena maiatzaren 26ko udal-hauteskundeetan, baina EAJk eta PSE-EEk gobernagarritasun akordioa sinatu zuten atzo Alkatetzari eusteko.
Hori horrela, jeltzaleek eta sozialistek aurreko legegintzaldiko formula errepikatuko dute nahiz eta botoak galdu dituzten (324 PSE-EEk eta 314 EAJk), eta EH Bilduk 548 botoko igoera izan zuen.
Gomezek PSE-EEko bost zinegotzien eta EAJko lauen babesa izan du; Mintegiak, berriz, koalizioaren 6 zinegotziena, eta Julen Rodriguez Elkarrekin Podemosekoak, alderdiko bi zinegotzienak.
Izaskun Gomez Pasaiako alkate berria. Argazkia: EiTB
Lezo
Jesus Mari Martiarena jeltzalea Lezoko alkate izendatu dute gaur bere taldearen eta PSE-EEren babesarekin, nahiz eta EH Bildu izan zen indar bozkatuena hauteskundeetan.
Soraluze
Iker Aldazabal jeltzalea Soraluzeko alkate izendatu dute berriro PSE-EErekin lotutako akordioari esker, gehiengo osoa baitute bien artean; eta EH Bildu, alderdi bozkatuena, zokoratu dute.
2015ean gertatu zen moduan, Aldazabalek EAJren lau zinegotzien eta PSE-EEren bi zinegotzien babesa jaso du udala osatzeko ekitaldian, eta Unai Larreategi EH Bilduren alkategaiak bere bost zinegotzienak.
Mendaro
EAJ Mendaroko Alkatetzaren jabe ere egin da, nahiz eta bertan ere EH Bildu izan zen garaile maiatzaren 26an.
Iñaki Arregi jeltzalea izango da alkate zinegotzi kopurua 9tik 11ra igo duen udal horretan. EH Bilduk eta EAJk bosna zinegotzi dituzte, eta PSE-EEk, bakarra.
2015ean ere koalizio independentistak irabazi zituen hauteskundeak, eta 5 zinegotzi lortu zituen. Gainerako lau zinegotziak EAJrenak ziren.
Errenteria
Aizpea Otaegi EH bilduren hautagaia izendatu dute Errenteriako alkate koalizio abertzalearen botoekin eta Elkarrekin Podemosekoekin, horiekin gobernu akordioa itxi ostean.
Otaegi izan da hautagaitza aurkeztu duen bakarra, beraz, gehiengo osoz hautatu dute koalizioko 9 zinegotziek eta Elkarrekin Podemosen hiruek.
Aizpea Otaegik Julen Mendozaren postua hartuko du, beraz, bi legegintzalditan EH Bilduk izan duen alkatearena, hain zuzen ere.
Aizpea Otaegi, Errenteriako alkatea. Argazkia: Efe
Orio
Anuska Esnal (EH Bildu) izendatu dute Orioko alkate berri bere alderdiko sei zinegotzien babesarekin. Lourdes Salsamendik (EAJ) bost zinegotziren babesa izan du, eta PSE-EE eta Orain abstenitu egin dira.
Deba
Bestalde, Deba kostako herrian EAJ abstenitu egin da, eta ondorioz, Alkatetza EH Bilduren eskura pasatu da. Orain arte hautagaitza independente batek zuen.
Bergara
Bergaran Gorka Artola EH Bildukoa izendatu dute alkate, bera baitzen alkategai bakarra. Jendez lepo zegoen udaletxean, EAJ abstenitu egin da, eta Alkatetza galdu du, koalizio abertzalearen mesedetan.
Ordizia
Adur Ezenarro EH Bilduren hautagaia Ordiziako alkate aukeratu dute koalizio abertzalearen 7 zinegotzien eta Elkarrekin Podemosen bien babesarekin, eta duela lau urte galdutako Alkatetza berreskuratu du, EAJren kaltetan.
Jose Antonio Santano (PSE) Irungo alkatea izango da berriro
Donostia
Eneko Goia EAJko hautagaia izango da, bigarren legealdiz jarraian, Donostiako alkatea. 10 zinegotzi jeltzaleen babesaz gain, PSE-EEren aldeko 5 boto izan ditu.
PSEk Eibarko alkatetzari eutsi dio, Miguel de Toyosekin
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.