Galdeketa 'trukatu' batekin negoziazioa haustea leporatu dio Sanchezek Iglesiasi
Galdeketa "trukatu" batekin inbestidurarako negoziazioa haustea egotzi dio Pedro Sanchez Espainiako Gobernuko jarduneko presidenteak Pablo Iglesias Podemoseko buruzagiari. Sanchezen hitzetan, Iglesiasek "aldebakarreko" erabaki horrekin ezezko botoa justifikatu nahi du, baina "eskuin muturrarekin" bat egingo du.
Ser irratian egindako elkarrizketan Sanchezek baieztatu duenez, "Podemoseko pertsona kualifikatuentzat" ministerioak eskaini zizkion Iglesiasi iragan astean. PSOEko buruzagiaren ahotan, demokraziaren historian lehen aldiz egin da horrelako eskaintza bat, eta hauteskundeetan laugarren sailkatu zen alderdi bati egin diote, gainera.
Kontsultarekin Podemos "itxurak egiten" ari dela uste du buruzagi sozialistak; izan ere, "ez du errealitatea jasotzen", Iglesiasi egindako proposamenak ez dituelako islatzen, ezta iragan asteko elkarrizketan mahai gainean jarri zion azkena ere.
Podemosen galdera "guztiz faltsua da", azpimarratu du Sanchezek. Espainiako jarduneko gobernuburuaren esanetan, Iglesiasek ez du jarrera aldatu nahi, eta datorren asteko "inbestiduraren aurkako bozketa bat justifikatu nahian" dabil, "eskuin muturrarekin" bat eginez.
"Galdeketaren berri komunikabideen bidez izan nuen; Iglesiasek PSOErekin negoziazioa hautsi du", eta egoerak "frustrazioa" eragiten diola onartu du Sanchezek.
Iglesiasen "muturreko jarrera" salatu du buruzagi sozialistak. "Berak esandakoa egin edo boto negatiboa jasoko dugu", Sanchezen esanetan. Iglesias galdeketa modu "traketsean" erabiltzen ari dela uste du.
Bestalde, Katalunian Konstituzioaren 155. artikulua aplikatu nahi ez duela esan du Sanchezek, "baina nire ardura aukera hori kontuan izatea da". Sanchezen hitzetan, 155a "artikulu legitimoa da, betiere lurralde batean elkarbizitza eta ordena konstituzionala zalantzan jartzen baldin badira".
Artikulu hori aplikatzeko aukera baztertzerik ez dagoela azpimarratu du Sanchezek, bere betebeharra kontuan hartzea delako. "Nahiago nuke aplikatu beharko ez banu", gaineratu du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.