Eneko Andueza: 'Iglesiasen botere-nahiak ezkerreko gobernu berri bat suntsitu du'
Gipuzkoako PSE-EEko idazkari nagusi eta alderdi sozialistaren bozeramaile laguntzaile Eneko Andueza Radio Euskadiko 'Boulevard' saioan izan da asteazken goizean, Espainiako Gobernuari buruz hizketan. Bertan esan du Euskadiko eta Espainiako agertokiak guztiz ezberdinak direla, gobernu koalizioak osatzeko orduan.
Hain zuzen ere, Espainian PSOEren eta Podemosen artean izandako tirabiraren harira adierazi du Pablo Iglesiasek gobernuko parte izateko duen obsesioa dela guztiaren abiapuntua. "Iglesias bera arazoa da Unidas Podemos alderdian", gaineratu du, "harengatik balitz ministerio guztien kontrola hartuko luke", nabarmendu du.
Anduezaren iritzian, Iglesias da negoziazioen porrotaren erantzule bakarra: "Botere-nahiak ezkerreko gobernu berri bat suntsitu du". Halere, negoziazioa zabalik dagoenez, oraindik akordioak lortzeko aukera dagoela azaldu du.
Bestalde, transferentzien egutegia pixkanaka betetzen ari direla azpimarratu du, eta hurrengo legealdian ere bide horri eutsiko diotela.
"Aurrekontuak atzeratzea ez litzateke zorigaitza izango", baieztatu du EAEn kontuak onartzeko dauden arazoen inguruan mintzatu denean. Gainera, ukatu egin du hauteskundeak aurreratzeko asmoa dutenik.
Azkenik, argi utzi du Elkarrekin Podemosek aurrekontuak ez babestea "estrategia hutsa" dela. "Espero dut konturatzea akatsa izan dela, eta hurrengo batean heldutasun gehiago erakustea. Egokiena Aurrekontuak onartzea eta lasaiago lan egitea litzateke", bukatu du.
Elkarrizketa Radio Euskadik egin eta eitb.eus-ek euskaratu du
Zure interesekoa izan daiteke
PPk 26 eserleku lortu ditu Aragoin, PSOEk 18 eta Voxek 14, botoen % 74 zenbatuta
PPk irabaziko lituzke hauteskunde autonomikoak Aragoin, 67 eserlekutatik 26 eskuratuta (azken hauteskundeetan baino 2 gutxiago); PSOEk, berriz, 18 lortuko lituzke (5 gutxiago), eta Voxek bere ordezkaritza bikoiztuko luke, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.