'Egia, justizia eta erreparazioa' eskatu dute Arabako frankismoaren biktimentzat
EH Bilduk, Ahal Duguk, Ezker Anitzak eta Equok omenaldia egin diete Gasteizen Arabako frankismoaren biktimei, eta "egia, justizia eta erreparazioa" eskatu dute. "Jarrera eta balio antidemokratikoak" dituzten "eskuin muturreko indarren berpizkundeaz" ere ohartarazi dute.
Ekitaldian, Oscar Fernandezek (Equo) gogorarazi du 1936 eta 1945 artean hil zituzten pertsonen kopurua, Gogora Institutuak egindako txosten baten arabera: 60 pertsona bonbardaketetan, 198 epaiketarik gabeko exekuzioetan, 30 exekuzio sumarisimoetan eta 289 kartzelan. Borrokan hildako 593 pertsonak bezala, "gizateriaren aurkako krimenen biktimatzat" hartu ditu.
"Errepresioaren beste aurpegiak" ere salatu ditu Fernandezek, hala nola, "konfiskatzeak, espetxea, torturak eta lan batailoiak", Francok gidatutako kolpe militarraren 83. urteurrenean.
Damian Garcia-Morenok (Ezker Anitza) nabarmendu duenez, altxamendu militarra gertatu eta 83 urte eta gero, "jarrera eta balio antidemokratikoen, matxisten eta homofoboen buru, eskuin muturra bere errautsetatik berpizten ari da", eta berpizkunde horrek "beste alderdiak eskuinera eraman ditu".
Horren aurrean, Araban zigorgabetasunaren kontra emandako urratsak gogorarazi ditu, eta horren adibidetzat jarri du Gasteizko Udalean Martin Villa ministro ohia 'persona non grata' deklaratzea 1976ko martxoaren 3ko hilketetan parte hartzeagatik.
Gema Zubiaurre (Ahal Dugu), bestalde, Eusko Legebiltzarrean Memoria Historikoaren Lege bat onartzeko herri-ekimen legegilearen alde agertu da.
"Muñecas kapitainaren aurkako salaketak Gipuzkoako epaitegietara eraman dituzten torturen biktimen ausardia txalotzen dugu, baita Madrilgo instrukzio auzitegi batek Antonio Gonzalez Pacheco, 'Billy el niño'ren kontrako kereila kriminala, torturengatik, tramitera onartzea", gehitu du Zubiaurrek.
Miren Larrionek (EH Bildu) borroka hori mantentzea eskatu du. "83 urte geroago, egia, justizia eta erreparazioa eskatzen jarraitu behar dugu biktima guztientzat, baita berriro errepikatuko ez denaren bermeak", aldarrikatu du. Errepresioaren memoria historikoa berreskuratzeko baliabide publikoak bideratzea eskatu du, eta Francok eraso zuen Errepublikaren baloreak aldarrikatu ditu.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.