Eusko Jaurlaritzak klima aldaketari aurre egiteko larrialdi egoera ezarri du EAEn
Iñigo Urkullu lehendakriak "klima aldaketari aurre egiteko larrialdi egoera" ezarri du EAEn, "2050a baino lehen" karbonoari aurre egiteko. Horrenbestez, "premiazko eta asmo handiko ekimenak" iragarri ditu lehendakariak.
Gainera, Eusko Jaurlaritzak klima aldaketaren gaia "Herriaren helburu zentral gisa" ezartzea planteatu du. Horretarako, EAEko Administrazio Nagusiak eta harekin harremanetan dauden erakundeek urteko aurrekontuaren zati bat klima aldaketan inpaktua duten jardunetara zuzenduko dute, inpaktuak arindu eta egokitzapenak egiteko.
Lehendakariak Gobernu Kontseiluan onartutako Klima Aldaketari buruzko Adierazpen Instituzionala irakurri du astearte honetan. Adierazpen horretan nabarmendu du klima aldaketaren aurkako borroka mundu mailako erronka dela, eta guztion ardura dela, batez ere herritarren eskariak eta premiak hobeto ezagutzen dituzten tokiko erakundeena.
Hartara, lehendakariak nabarmendu du Jaurlaritzak bat egin duela adierazpen horrekin, eta, aldi berean, berretsi duela Klima 2050 klima-aldaketako estrategiarekin eta Energia Estrategia 2030 estrategiarekin hartutako konpromisoa.
"Berotze globala errealitate ukaezina da, eta frogatuta dago berotze horren kudeaketa zuzena onuragarria dela ingurumenerako zein pertsonen osasunerako. Era berean, aukerak eskaintzen ditu ekonomia-hazkunde jasangarriago baterako, jarduera-sektore berriak garatzeko eta kalitate handiagoko enplegu-aukerak sortzeko", esan du lehendakariak.
Bestalde, Urkulluk gogorarazi duenez, EAE nazioartean erreferentziazko eredua izan da klima aldaketarekiko konpromisoan. "Europar Batasunak aitortu du klima-ekintzan eskualde-liderretako bat garela, ingurumenarekiko errespetura egokitzen den hazkunde ekonomiko jasangarriko eredu bati jarraituz", adierazi du.
Ildo horretan, Urkulluk nabarmendu du 1995. urteaz geroztik Euskal Autonomia Erkidegoko barne-produktu gordinaren hazkundea % 65ekoa izan dela, eta aldi horretan berotegi-efektuko gasen emisioa % 20 murriztu dela. "Emisioak murrizteko prozesu horretan aurrera egiten jarraitu behar dugu, baina aitortu behar da hazkunde-eredu jasangarriagoa garatzeko egindako ahalegina", gaineratu du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.