Alderdiak mokoka Kongresuan, hauteskundeen errepikapena mahai gainean dagoela
Beste hauteskunde batzuen atarian gaudela agerian geratu da gaur Espainiako Diputatuen Kongresuan. Amaitzear den XIII. legegintzaldi honetako bigarren eta azken kontrolerako saioa dago asteazken honetan, eta bezperan iragarritako hauteskunde errepikapena mahai gainean, azaroaren 10erako bozen lehen hauteskunde eztabaidaren lekuko izan da behe ganbera. PSOEk Podemosi, PPri eta Ciudadanosi egotzi die porrota; sozialistek Albert Riveraren alderdiari egindako keinuak arbuiatu ditu koalizio moreak. PPk ere Sanchez izan du jomuga, eta horren "ezgaitasuna" kritikatu du. ERCk eta EAJk ere estu hartu dute Espainiako jarduneko presidentea.
Pedro Sanchez PSOEko buruzagi eta jarduneko presidentea azaroaren 10ean gehiengo "sendoa" lortuko dutelakoan dago, eta hala, gainerako hiru alderdi handiek (PP, Cs eta Unidas Podemos) ezingo dute gobernu osaketa "blokeatu".
Izan ere, Sanchezen aburuz, hiru alderdi horiek dira blokeo politikoaren erantzule. Casadori "Estatu zentzu falta" egotzi dio buruzagi sozialistak; Albert Riverari, "erantzukizun falta", eta Pablo Iglesiasi, "dogmatismoari".
Sanchezek ika-mika gogorra izan du Pablo Casado PPko buruzagiarekin.
Buruzagi 'popularra'k jarduneko presidentearen aurka egin du, eta "ezgaia" deitu dio: "Inbestidura bat kudeatzeko gai ez denak nekez kudeatuko du Espainia bezalako nazio bat".
Ohartarazpena ere egin dio, hauteskundeak arriskutsuak izan daitezkeelako. Casadoren ustez, "Hauteskundeek sortzen duten nekeari esker izan nahi du presidente Sanchezek, eta hori arduragabekeria hutsa da".
Ione Belarra Unidas Podemosek Kongresuan duen bozeramaile ondokoak ere PSOE izan ditu jomuga. Salatu duenez, sozialistek bost hilabete eman dituzte "ezertxo ere negoziatu gabe", eta azken unean "Rivera estimatuari" bidalitako gutuna kritikatu du. "Nahi zenuten lekuan gaudela pentsatuko du jende askok", erantsi du.
Podemosen bozeramaileak uste du Sanchezek ez zuela eurekin ezertxo ere adostu nahi, Gobernura helduta ezingo luketeelako adostutako ez bete, eta hortaz, CEOE, Enpresaburuen elkargo edo Santander banketxearen kontrako neurriak hartu beharko lituztekeelako.
Kritika zorrotzak ERCren aldetik ere
Gabriel Rufian ahoan bilorik gabe mintzatu da gaurko saioan. Salatu duenez, "sozialistak indartsuen daudenean eskumatik gertuen daude". Hori horrela, uste du hauteskunde kanpainan "155 artikuluaren Sanchez" nagusiko dela eta deitoratu du "aukera historikoa" galdu duela, "arduragabekeriagatik".
ERCren bozeramailearen iritzian, "politikariek jendea potroetarako daukate". "Feminismoarentzat VOX dena, horixe bera da negoziazioarentzat PSOE", aurpegiratu dio Sanchezi.
Ciudadanosi egindako keinuei buruz, Rufianek esan du "talde deitzen zaituzten horiekin" negoziatzen saiatu direla.
Rufian, adierazpenak egiten. Argazkia: EFE
Aitor Esteban bozen errepikapena gaitzetsi du eta eta euskal agendaren auzia atera du hizpidera. Izan ere, EAJren diputatuak nabarmendu duenez, hauteskundeak izan zirenetik Espainiako Gobernuak EAEko eta Nafarroako lan eta proiektuak eta transferentzien auzia geldiarazi ditu. Estebanen ahotan, "gai askotan aurrera egin zitekeen, halakoak bulego normaletan konpontzen direlako, baina Gobernuak ez du pauso gehiago eman nahi izan".
"Ez dakit nortzuk egongo diren hurrengo Gobernuan, ikusiko dugu zer gertatzen den, baina EAJ hemen izango da euskal agenda gogorarazteko", adierazi du.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.