Altsasun kalera atera dira Gorenaren epaia 'bidegabea' dela salatzeko
Mobilizazio jendetsua egin dute arratsalde honetan Altsasun, Espainiako Auzitegi Gorenak emandako epaia salatzeko.
Auzitegi Nazionalaren zigorrak murriztu baditu ere, Gorenak urtebete eta erdi eta bederatzi urte eta sei hilabeteko zigorrak ezarri dizkie Altsasuko zortzi gazteei 2016an bi guardia zibilekin eta haien bikotekideekin taberna batean izandako liskarragatik.
"Altsasukoak aske, muntai polizialik ez!" goiburupean, elkarretaratzea egin dute herriko plazan. Bertan, ehunka lagunen babespean, epai "gehiegizko eta bidegabe" baten aurrean euren "haserrea eta inpotentzia" salatu dute. Elkarretaratzea amaituta, manifestazioa egin dute herriko kaleetan barrena. Pankarta zortzi gazteen senideek eraman dute, hunkituta.
Antxon Ramirez de Aldak, Adurren aitak, ETBri egindako adierazpenetan kritikatu duenez, "makillaje batzuekin, baina argazkia mantendu dute. Aberrazio bat da. Zigor hutsa da, eta ez dago eskubiderik".
Dena dela, "oso gogorra" izanik ere, borrokan jarraituko dutela nabarmendu du, "gure herriarekin batera egingo dugu", erantsi du.
Izan ere, altsasuarrek epaia salatu dute, bazuten itxaropen apur bat Gorenak Auzitegi Nazionaleko zigorrak zuzenduko zituelakoan. "Dena gezurra izan da hasieratik, ez dago eskubiderik", kritikatu dute.
Javier Ollo (Geroa Bai) Altsasuko alkatearen iritziz, "proportzionaltasun gabezia" dario epaiari. "Gaur da unea, berriro ere, proportzionaltasun gabezia hori salatzeko", esan du.
Mobilizazioa hasi aurretik, gurasoek bilera egin dute Gorenaren ebazpena aztertzeko. Ostegun honetan Iruñean prentsaurrekoa eskainiko dute (12:00etan), epairen balorazio zabalago bat egiteko.
Gorenak apur bat jaitsi ditu zortzi gazteei ezarritako zigorrak: 2-13 urteko bitarteko zigorrak zirenak, urtebete eta erdi eta 9 urte eta erdi artekoak dira orain. Izan ere, diskriminazio eta larderia astungarria baztertu du agintaritzaren kontrako atentatu delituan, eta horrek ekarri du murrizketa. Horrez gain, bi akusatu (Aratz Urrizola eta Iñaki Abad) ez ditu lesioengatik zigortu, proba falta argudiatuta. Dena dela, gazteei agenteen kontrako atentatua, lesioak, desordena publikoak eta mehatxuak leporatzeko "nahikoa froga" badagoela ebatzi du epaimahaiak, eta hortaz, zigor handiei eutsi die. Hala, kartzelan jarraitu beharko dute gazte gehienek.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.