Agente politiko eta sozialek Gorenaren sententziaren larritasuna salatu dute
Milaka pertsona elkartu dira larunbat honetan Donostian, Gure Esku plataformak deituta, Kataluniako prozesaren kontra Auzitegi Gorenak kaleratutako epaia salatzeko eta espetxeratutako politiko presoei elkartasuna adierazteko, "Erreferenduma ez da delitua" lelopean egin den manifestazioan.
EAJko, EH Bilduko eta Podemoseko buruzagi eta kargu publikoak, ELA eta LAB sindikatuetako arduradunak, erakunde sozialetako kideak zein milaka herritar bildu dira protestara, "injustizia izugarri hau" salatzeko. Gogoan izan behar da 9 eta 13 urteko kartzela-zigorrak ezarri zizkiela Gorenak auzipetuei.
Manifestazioa hasi aurretik komunikabideen aurrean egindako agerraldian, Lluis Llach abeslari eta Junts pel Siko diputatu ohiak ohartarazi du Auzitegi Gorenaren epaiak "oinarrizko berme demokratikorik gabe" utzi duela Estatua.
"Inolako indarkeriarik babesten ez" duen arren, azken egunotan Katalunian gertatu diren istiluak ez dituela gaitzetsiko ere esan du, "Estatuko zein Generalitateko poliziak jokatzen ari diren bezala jokatzen jarraitzen duten bitartean". "Manifestazio baketsu bakoitzaren ondoren, Poliziak eta Mossoek jarrera probokatzaileak izan dituzte, eta tamalez, erantzuna jaso dute" hausnartu du.
"Kataluniako independentismoa mugimendu baketsua" izan dela beti gogoratu du, "hala erakutsi dugu urte luzez".
Andoni Ortuzar EBBko buruzagiak ere Kataluniarekiko eta zigortutako pertsonekiko "elkartasuna eta gertutasuna" adieraziz hasi du bere interbentzioa, eta Auzitegi Gorenaren epaia "bai politikoki bai juridikoki oso larria" dela salatu du.
"Guk uste dugu ez Kataluniako gatazkaren ez euskal gatazkaren irtenbidea ez dela epaitegietatik ezta salbuespen legeen aplikaziotik etorriko. Elkarrizketatik eta sistema demokratikotik etorriko dira" defendatu du.
"Bide horrek ezin du indarkeriarik izan" ohartarazi du, "indarkeriak ez baitu zentzurik ez eta lekurik kataluniarren edo euskaldunen eskubide nazionalen defentsan" argudiatu du. Horregatik, indarkeria erabiltzen ari direnak "kalte" egiten ari direla iritzi dio Ortuzarrek.
Maddalen Iriarte EH Bilduko bozeramaile parlamentarioak ere elkartasuna agertu die herrialde katalanei eta Gorenaren erabakia "erabat lotsagarria" dela salatu du. Hala, "Estatuaren inboluzio antidemokratiko" horren aurrean, Euskal Herriko, Kataluniako eta Galiziako subiranistei "bidea guztiek elkarrekin" egiteko deia egin die.
"Ehunka mila lagun ikusi ditugu Katalunian erreferenduma ez dela delitua esaten, herriari hitza ematea ez dela delitua esaten" defendatu du.
Azken egunotan izan diren istiluei buruz galdetuta, EH Bilduko buruzagiak esan du atentzioa deitzen duela "fokua istiluetan jartzeak, milaka kataluniar modu baketsuan protesta egiten ikusi ditugunean". Dena dela, "EH Bilduk beti defendatuko ditu bide demokratiko eta baketsuak" gaineratu du, eta "horixe da alderdi katalanak egiten ari direna" amaitu du.
Josetxo Arrieta Podemoseko ordezkariak ere argi utzi du bere alderdia Auzitegi Gorenaren "epai politikoaren" kontra dagoela eta Katalunian sortutako egoerari "beste irtenbide batzuk" aurkitu behar zaizkiola gaineratu du. Ildo horretan, "herriei ahotsa eta askatasuna" eman behar zaizkiela defendatu du, "elkarrizketari ateak itxi gabe".
Istiluen inguruan, "herri mobilizazioetan batzuetan gehiegikeriak" gerta daitezkeela esan du, baina ezin dela "mobilizazioa kriminalizatu".
"Hainbat komunikabidetatik kriminalizazio saiakera bat egon da. Gehiegikeria horiek ez daitezen gertatu saiatu behar gara, baina batzuek Katalunian gertatzen den guztia kriminalizatu nahi dute" ondorioztatu du.
Sindikatuen aldetik, LABeko idazkari Garbiñe Aranburuk esan du Espainiako Estatuak "ez dela demokratikoa" erakutsi duela, "demokraziak aurrera egiten duen heinean egiten baitu berak atzera, kontrako norabidean"."Baina ez dago legerik ez errepresio judizial edo polizialik herriaren borondatea geldiaraziko duenik" ohartarazi du: "Autodeterminazioaren alde badago gehiengoa, azkenean gauzatu egingo da".
Mitxel Lakuntza ELAko idazkari nagusiak ere irakurketa bera egin du. Zentzu horretan, "Estatuaren birzentralizazioak markatutako une politikoa" bizi dugula adierazi du Lakuntzak, garbi uzten duela epaiak hori.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.