Otegi: 'Ez dugu atea irekita ikusten; PSOEk eta Unidas Podemosek ireki behar dute'
EH Bilduko koordinatzaile nagusi Arnaldo Otegik esan du une honetan ez duela ikusten "atea irekita" PSOEren eta Unidas Podemosen koalizio-gobernua errazteko, eta bi alderdi horiei dagokiela "ate hori irekitzea", "demokratizazio-programa bat" abiatuz.
Otegik prentsaurrekoa eman du asteazken honetan EH Bilduren Donostiako egoitzan, PSOEk eta Unidas Podemosek sinatutako aurreakordioaz hitz egiteko. Ez du zehaztu EH Bilduko bost diputatuek babestuko duten, baiezko botoaren edo abstentzioaren bidez, ezkerreko gobernu berri horren inbestidura.
Horren esanetan, Kataluniako independentistekin adostuko dute euren jarrera, eta ERC, oraingoz, ezezko botoaren aldekoa dela azaldu du. Halaber, PSOEren eta Unidas Podemosen arteko akordioak "elkarbizitzako arazotzat jotzen du Kataluniakoa", gaitzetsi duenez. Otegiren iritziz, "diagnostiko okerra" da hori.
"Katalunian ez dago elkarbizitza-arazorik, arazo politikoa dago, Euskal Herrian bezala, eta horri konponbidea emateko autodeterminazio-eskubidearen erabilera demokratikoa gauzatu behar da", esan du Otegik. Horren esanetan, ez du askorako balio "eztabaidaz hitz egiteak", testuak egiten duen bezala, "diagnostiko zuzena egin gabe".
Otegiren arabera, asteartean Sanchezek eta Iglesiasek sinatutako dokumentua "zehaztu beharreko aurreakordioa da". Nolanahi ere, "errege magoentzako gutuna da", eta "ez dio ezer lan-erreforma edo mozal-legea indargabetzeaz".
Gainera, "aurrekariak ez dira oso onak"; izan ere, Pedro Sanchez Espainiako jarduneko presidentea "kanpainan Ciudadanos besarkatzen saiatu da, PPrekin ahalegindu da gero, eta Pablo Iglesias besarkatu du azkenean".
"Inboluzio-agenda" erosi izana egotzi dio Sanchezi, "estatu-kolpe digital baten bidez eta legezkoak ez diren kontsultetarako Zigor Kodea erreformatzeko mehatxu eginez".
PSOEk eta Unidas Podemosek aukeratu behar dute
Otegiren ustez, PSOEk eta Unidas Podemosek "78ko erregimenari txapa eta pintura berritzea edo agenda demokratizatzaile bati sakon heltzea" aukeratu behar dute. Horien hautaketa zein den ikusita erabakiko du EH Bilduk babestu ala ez.
Gogora ekarri du Unidas Podemosek eredu konfederal bat babesten duela, eta ETAko presoak sakabanatzearen aurka eta autodeterminazio-eskubidearen alde agertu dela. "Gobernu honek zeren alde egiten duen ikusteko dago", gehitu du.
"Beraiek aukeratu behar dute. Herritarrei argi esan behar diete zer egingo duten", berretsi du Otegik.
Voxekin batera bozkatzeko aukera
EH Bilduk ezezko botoa emango balu, baliteke PPrekin, Voxekin eta Ciudadanosekin bat egitea, eta Estatuan berriro ere hauteskundeak deitu behar izatea. EH Bilduko koordinatzailearen esanetan, aukera horrek ez die baldintzatuko euren erabakia.
"Trikimailu horrek ez du funtzionatuko", adierazi du Otegik, eta honakoa gaineratu du: "Ultraeskuina indartu dutenek eraman gaituzte hauteskunde hauetara, arduragabe jokatuz. Ultraeskuina ez du independentismoak indartzen, kultura politikoa da. Demokratizatzeko agendari heldu behar diote; bestela, ultraeskuina indartzen jarraituko dute".
Bestalde, Otegi "harrituta" agertu da, "kafe batekin eta 24 ordutan" adostu dutelako aurreko sei hilabeteotan lortu ezin izan duten akordio bat. "Politika Twitterren egiten denean, eta komunikazioaren guruek agintzen dutenean, hutsegite larriak egoten dira", gaineratu du.
Albiste gehiago politika
Pradalesek CAF babestu du eta "Gazako genozidioan ez duela laguntzen" azpimarratu du
Imanol Pradales lehendakaria eta Jon Hernandez Sumarreko legebiltzarkidea aurrez aurre izan dira Eusko Legebiltzarreko kontrol saioan. Hernandezek azalpenak eskatu dizkio CAFen Jerusalemgo tren arinaren proiektua dela eta, enpresa gipuzkoarrak Jaurlaritzaren akziodunen partaidetza baitu. Pradalesek, berriz, herri palestinarrak bizi duen drama ez instrumentalizatzeko eskatu dio.
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.