EH Bilduk uste du EAJk eta Elkarrekin Podemosek ixtear dutela aurrekontuen ituna
EH Bilduren iritzian, Eusko Jaurlaritzak eta Elkarrekin Podemosek "oso aurreratuta" daukate 2020ko aurrekontuak onartzeko ituna, "dagoeneko akordioa itxita ez badago".
Pedro Azpiazu Ogasun eta Ekonomia sailburua Maddalen Iriarte EH Bilduren bozeramailearekin bildu da arratsalde honetan, Eusko Jaurlaritzaren aurrekontuak babesteko negoziazioa abiatzeko aukeraz hitz egiteko.
Batzarra amaituta, Iriartek esan du proiektu horretan "aldaketa sakonak" egiteko aukera badago, negoziatzeko prest egongo dela koalizio soberanista.
Alabaina, "makillaje operaziorik" onartuko ez dutela eta "kromoak trukatzeko joko batean" sartuko ez direla azpimarratu du.
EH Bilduren iritzian, Eusko Jaurlaritzak aurkeztu duen aurrekontu-proiektuak ez die Araba, Bizkaia eta Gipuzkoako herritarren beharrizanei erantzuten. "Aurrekontu berdeak, feministak eta sozialak behar ditugu, eta aurrekontu honek ez ditu langileen eta pentsionisten beharrizanak asebeteko", erantsi du Iriartek.
Jaurlaritza aldaketa sakon horiek egiteko prest baldin badago, EH Bildu negoziatzeko eta akordioetara heltzeko prest egongo dela ziurtatu du.
Nolanahi ere, Iriarte ezkor agertu da. Jaurlaritza eroso ikusten du Elkarrekin Podemosekin negoziatzen eta, ildo horretan, gogora ekarri du Azpiazuk berak publikoki adierazi zuela talde parlamentario hori gainerakoen aurretik dagoela negoziazio prozesuan.
Halaber, Iriartek Elkarrekin Podemosen jarrera kritikatu du eta bere babesa "merke" saldu izana egotzi dio. "Eusko Jaurlaritzak opari batekin egin du topo", adierazi du.
Iriarteren ustez, EAJ, PSE-EE, Podemos eta Equo Espainiako Gobernuko presidente berriaren inbestidura saiora begira ari dira, Euskal Autonomia Erkidegoko herritarren beharrizanak lehenetsi beharrean.
"Aurrekontu hau ezin daiteke inbestidurarako trukerako txanpona izan; aurrekontuak herritarren beharrizanak erantzuteko dira", nabarmendu du Iriartek.
Bestalde, EH Bilduk Eusko Jaurlaritzaren aurrekontu-proiektua aldatzeko proposamena aurkeztuko du datozen egunetan. Azpiazuk esan du dokumentua jasotzen dutenean aztertu egingo dutela, "betiere aurrenkontuaren eta Eusko Jaurlaritzaren eskumenen baitan".
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.