Erabakitzeko eskubidea testu artikulatuaren xedapen gehigarri batean jasoko dute
Euskal Autonomia Erkidegoan estatus politiko berriaz adituek egindako proposamenak datozen egunotan ezagutuko dira. Bi testu artikulatu izango dira. Antza denez, horietako batean erabakitzeko eskubidea xedapen gehigarri batean jasoko dut adituek, Euskadi Irratiak jakin ahal izan duenez.
EH Bilduk asteon iragarri du berea aurkeztuko duela, EAJ, Podemos eta PSE-EEren adituak estatutu proposamen bat lantzen ari direlako.
EH Bilduk salatu du EAJ aldez aurretik bi indarrek lortutako akordioaren "oinarrietatik aldendu" dela erabakitzeko eskubidearen aldarrikapena "nabarmen jaitsiz". Larunbat honetan Alderdi Popularrak Radio Euskadiko 'Parlamento en las Ondas' saioan salatu du xedapen gehigarri batean jasoko duela EAJk, PSE-EEk eta Podemosek "autodeterminazio eskubidea".
Euskadi Irratiak kontsulta egindako iturrien arabera, erabakitzeko eskubidea xedapen gehigarrian jasoko da bai, EAJ, Podemos eta PSE oraindik ixten ari diren testu artikulatuan. Hori bai, erabakitzeko eskubidea modu itunduan edo legezkotasunaren barnean gauzatzea jasoko du testu horrek, azken negoziazioen faltan.
Datorren larunbata baino lehen itxi behar dute estatus berrirako testua. Asteartean berriz bilduko dira herritarrak. EAJk berretsi du hasieran hitz emandako "konfidentzialtasunari" eutsiko diotela, eta ez dutela ezer aurreratuko testua "behin betiko itxita" izan arte.
EAJ, Podemos eta PSE-EE ariko lirateke norabide horretan adostasuna lortu nahian. Luis Javier Telleria jeltzaleak "akordio zabalaren" beharra azpimarratu du. Alexia Castelo PSE-EEko kideak "legezkotasun printzipioaren barruan" jaso behar dela "guztia" zehaztu du.
Horiek horrela, "xedapen gehigarrian eta legezkotasunaren barruan edo itunduta" bezalako formulak erabiliz jasoko litzateke erabakitzeko eskubidea. Hala ari dira lantzen aipatutako hiru alderdiak.
EH Bildu berriz "etsita" dago "EAJren jarrera aldaketarekin". Bost adituen lantaldean EAJk autogobernurako akordioaren oinarriak "urardotu" dituela salatu du Iker Casanova EH Bilduko legebiltzarkideak, horrela "aurpegirik ez" emateko eta "lan zikina bertan egiteko".
EAJ "Legebiltzarreko oinarrien akordioa haustea bilatzen" ari zela salatu zuen koalizioak iragan ekainean, Casanovak gogorarazi duenez. "Adituen lantaldea zerbait ezberdinean bihurtu nahi dute", adierazi du.
"EAJk erabaki politikorako bigarren ganbera batean bihurtu du, Legebiltzarraren akordioa bertan urardotzea eta garbitzea erosoagoa delako. Ez da ausartu aurpegia ematera eta lan zikina bertan egitea nahi izan du", zehaztu du.
Casanovaren ahotan, bost adituen lantaldeak ez zuen "adostasuna zabaltzeko" misioa, "akordio politiko baten testu artikulatua idazteko lan teknikoa egitea baizik".
Albiste gehiago politika
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo haien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.