Parlamentak 'proces'aren epaia errefusatu eta autodeterminazioa babestu du
Kataluniako Parlamentuak autodeterminazioaz eztabaidatu eta bozkatu ahal izateko ebazpen bat onartu du, nahiz eta Auzitegi Konstituzionalak eskubide horri erreferentzia egiten zion puntua bertan behera utzi, JxCaten, ERCren eta CUPen botoei esker.
Konstituzionalak bertan behera utzitako puntuak autodeterminazio eskubidearen defentsa eta Monarkiaren aurkako jarrera aipatzen zituen. Ondorioz, testutik kendu zuten, baina JxCatek, ERCk eta CUPk zuzenketak aurkeztu dituzte, Konstituzionalaren erabakia errefusatzeko eta atzera testua sartzeko, edo autodeterminazioaz "eztabaidatzeko eta bozkatzeko" eskubidea aldarrikatzeko.
Alderdiak ez dira ados jarri ebazpenari erantzun bateratua emateko, baina bakoitzak bere zuzenketa aurkeztu du eta elkarri babesa eman diote aurrera egin zezaten.
Ebazpena zuzenketekin batera bozkatu dute, eta 68 aldeko boto (JxCat, ERC eta CUP), kontrako 21 (PSC-Units eta PP), eta bost abstentzio jaso ditu. Ciudadanosek ez du bozketan parte hartu, Parlamentutik joan baitira parlamentariak.
CUPen zuzenketak Konstituzionalaren erabakia gaitzesten eta aipatzen du, eta salatzen du auzitegiaren jarduera "adierazpen askatasunaren, askatasun ideologikoaren eta parte-hartze politikoaren aurkakoa" dela.
ERCren kasuan, horrez gain, babesa helarazi diote Roger Torrent Parlamenteko presidenteari eta Mahaiko kideei, Fiskaltzak ikerketa abiatu duelako horien kontra.
JxCatek ere Konstituzionalaren erabakia kritikatzen eta aipatzen du, eta auzitegiarenak eztabaida demokratikoa mugatzen duten eskuhartzeak direla adierazi du.
Era berean, testuan 'proces'aren aurkako ebazpena errefusatu dute, "injustua" delako eta "oinarrizko eskubideen egikaritzea mugatzen" duelako "demokratei eragiten dien Estatuaren autoritarismo joeraren ondorioz".
Preso dauden buruzagi politikoak askatzea, Kataluniako gatazkaren izaera politikoa aitortzea eta arazoak auzitegiekin ez konpontzea ere eskatu dute testuan.
Albiste gehiago politika
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.