Konstituzionalak Junqueras babestea arbuiatu du, baina guztien adostasunik gabe
Auzitegi Konstituzionalak arbuiatu egin du Oriol Junqueras Generalitatearen presidenteorde ohiak ia bi urtez izan zuen presoaldi prebentiboko egoeraren aurka aurkeztutako babes eskeko errekurtsoa; osoko bilkuran, lehen aldiz, 'proces' auziarekin lotutako kontuetan egon izandako guztien adostasuna hautsi da.
Auzitegiak aldeko bederatzi botorekin eta kontrako hirurekin onartu egin du Juan Jose Gonzalez Rivas presidentearen txostena; horrek Junqueras ez babestearen alde egiten zuen, errekurtsoak zalantzan jarritako epai-erabakiek Konstituzioaren eskakizunak betetzen baitituzte.
Nolanahi ere, hiru epailek osoko bilkuraren ebazpenarekin bat ez doan boto bat izenpetu dute; hortaz, 'proces' auziarekin lotutako errekurtsoei heltzeko orain arteko adostasuna galdu egin da.
"Legezko aurreikuspena, xede legitimoa eta proportzionaltasuna"
Auzitegi Konstituzionalak jakinarazi duenez, epaiaren arabera, presoaldi prebentiboari eusteko erabakiak "Konstituzioaren eskakizunak bete egiten ditu: legezko aurreikuspena, xede legitimoa eta proportzionaltasuna"; epaile aurrerakoi hauek, baina, ez dira gehiengoaren erabakiaren ados egon: Juan Antonio Xiol, Maria Luisa Balaguer eta Fernando Valdes.
Osoko bilkuraren gai-zerrendan, halaber, Junquerasen beste errekurtso bat ere badago; hain zuzen, 2017an Kataluniako diputatu hautatu zutela Parlamentuko bilkura osagarrira joateko egin zuen eskariari Pablo Llarena epaileak emandako ezezkoaren aurkako errekurtsoa. Juan Antonio Xiol txostengilea babesa ematearen aldekoa da; hortaz, baliteke berriro desadostasunak sortzea.
EFEk iturri juridiko batzuei egin die kontsulta; horiek adierazi dutenez, iritzi desberdinak izatea auzitegi guztien ezaugarri nagusietakoa da. Dena den, Konstituzionalaren osoko bilkuraren barruan, beti saiatu izan dira adostasuna izaten; izan ere, epaileek jakin badakite zigortutako lider independentisten defentsak Auzitegian izan litekeen edozein zatiketa-zirrikiturik topatzen ahaleginduko direla, eta, Giza Eskubideen Europako Auzitegira jotzean, boto partikularrak baliatu nahi izango dutela.
'Proces' auziaren epaiak 13 urteko kartzela-zigorra ezarri zion Junquerasi. Kataluniako presidenteorde ohiak ia bi urtez indarrean izandako presoaldi prebentiboa berresten zuten Auzitegi Gorenaren autoen aurkako errekurtsoak aurkeztu zituen; alegatu zuenez, bere oinarrizko eskubide hauek urratuta zeuden: ideologia-askatasuna, adierazpen-askatasuna, babes judizial efektiboa, errugabetasun-presuntzioa, eta familia-bizitza.
Auzitegiak ez ditu onartu kexa horiek, epaian (oraingoz, epaitza soilik eman dute jakitera), eta ustez urratuta izan diren gainerako eskubideen gaineko errekurtsoa ere gaitzetsi egin du; alegia, parte-hartze eta ordezkaritza politikoa, kargu publikoa izatea, defentsa, eta zigor-legezkotasuna dira eskubide horiek.
"Korapilatsua"
Kontsultatutako iturrien esanetan, aurkeztutako helegite guztiak kontuan izanik, Junquerasena korapilatsuenetakoa zen; ebazpen honen ostean, aukera dago Auzitegia 'proces' auzian kondenatuta izan direnen errekurtsoen zerrendari buruz erabakitzen hasteko.
Santiago Martinez-Vares epaileak, halaber, bildutako boto partikularra eman du; ados dago gehiengoaren erabakiarekin, baina ez erabilitako argudioekin.
Abenduaren 19an emango du epaia Europak
Bestalde, Europar Batasuneko Justizia Auzitegiak abenduaren 19an emango du Oriol Junquerasek eurodiputatu gisa duen immunitatearen inguruko epaia.
Maciej Szpunar EBko Justizia Auzitegiko abokatu nagusiak duela bi aste ondorioztatu zuen Junqueras eurodiputatu gisa onartu beharko litzatekeela, bere eserlekua hautesleen botoaren mende dagoelako soilik, eta horren izendapena ezin delako akta jasotzeko formalitaterik betetzearen mende egon.
Dena dela, Europako abokatuak ohartarazi zuen Auzitegi Gorenak emandako epaiak bertan behera uzten duela Junqueras eurodiputatu gisa izendatzeko boto-emaileek emandako agindua, eta, ondorioz, EBko Justizia Auzitegiak ez duela horren inguruan epaia emateko eskumenik. Hortaz, Europaren erantzuna “aholku bat izango litzateke” bakarrik.
Abokatu nagusiaren iritziz, nolanahi ere, Europako Parlamentuak aukera izan beharko luke bere kideetako baten immunitatea eteteko edo mantentzeko aukerari buruz iritzia ematea.
Albiste gehiago politika
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.