Puigdemontek uste du ebazpenak 'aukera politiko berriak' irekitzen dituela
Carles Puigdemont Kataluniako presidente ohiak adierazi du Oriol Junquerasi eurodiputatu immunitatea aitortu dion Europar Batasunaren Justizia Auzitegiaren ebazpenak "aukera politiko berriak" irekitzen dituela.
"Gaur aukera politiko berriak ireki dira, eta hemen gaude aprobetxatzeko", adierazi du Puigdemontek Belgikan, Generalitatearen bulegoan emandako prentsaurrekoan.
Kataluniako presidente ohiak espero du ebazpenak eurodiputatu egiaztagiria jasotzea ahalbidetuko diela berari eta Toni Comin kontseilari ohiari, Junquerasen moduan eurodiputatu hautatu baitzituzten.
"Gaur, Europako justiziak gehiago egin du gure alde, azken bi urteetan Espainiako Estatuaren errepresioak eta Europako erakundeen isiltasun lotsagarriak baino", azaldu du.
Puigdemontek azpimarratu du Junqueras espetxera eraman duen prozesu judiziala "irregulartasunez gainezka" egon zela, eta zigortu zuen ebazpena "berehala" bertan behera geratzeko eskatu du.
Europarlamentuaren aurreko zuzendaritzak, Antonio Tajani italiarra buru zuenak, sarrera "modu lotsagabean galarazi" izana salatu du.
Ondoren, Espainiari eta Europako erakundeei, Madrili "orain arte erabateko babesa eman diotenei", "gogoeta" egiteko eta Kataluniarentzat "irtenbide negoziatu eta justua bilatzeko ardura" bere egin dezatela galdegin die.
Izan ere, Puigdemonten arabera, gaurko ebazpenak agerian uzten du "oinarrizko eskubideak urratu" dituztela.
Inbestidura, Torra eta Perpinya
Kataluniako presidente ohiak esan du gaurko ebazpenak ez duela berehalako eraginik izango Pedro Sanchez PSOEren buruzagiaren inbestidura saioan, eta berretsi du JxCat-en abstentzioa edo babesa nahi izanez gero, negoziatu egin beharko dela.
"Eta negoziazio bat edukiekin. Ez da musutruk izango", gaineratu du.
Kataluniako Justizia Auzitegi Nagusiak Quim Torra presidentea gaitasungabetzearen inguruan, esan du "egutegia oso irekia" dela zer gertatuko den aurreratzeko, baina dena delakoa gertatzen dela, ez duela bere burua aurkeztea pentsatu.
Bestalde, Puigdemontek baztertu egin du Ipar Kataluniako Perpinyara bizitzera joatea, eta gezurtatu egin du han etxea alokatu izana.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.