Europako Parlamentuan sartzeko debekua kendu diete Puigdemonti eta Comini
Europako Parlamentuan sartzeko debekua kendu diete Carles Puigdemont Generalitateko presidente kargugabetuari eta Toni Comin kontseilari ohiari.
Hala erabaki du David Sassoli Europako Parlamentuko presidenteak, Europar Batasuneko Auzitegiak Oriol Junquerasi buruz emandako ebazpenaren ondotik.
Epai horren arabera, Junqueras eurodiputatu izendatu behar izan zuten joan den maiatzean Europako Parlamenturako hauteskundeen emaitzak ofizialki aldarrikatu zirenetik, eta une horretatik bertatik immunitatea izan behar zuen.
Puigdemontek eta Cominek arratsalde honetan jaso dute Europako Ganberako presidenteren jakinarazpena. Eurodiputatu kargua hartzeko izapideak ahalik eta azkarren abiaraztea da orain bi politikarien asmoa, baina oraingoz ez dute zehaztu nola eta noiz egingo duten.
Sassolik azaldu duenez, Europako Parlamentuko zerbitzu juridikoek zorrotz aztertu dute Junquerasen aldeko ebazpena, eta Puigdemont eta Comin ere hauteskundeetako emaitzak ezagutarazi direnetik euro-parlamentariak direla eta, beraz, ganbera sartzeko eskubidea izan behar dutela ondorioztatu dute.
Joan den urrian, Espainiako Auzitegi Gorenak bi politikari independentisten aurkako euro-agindua igorri zuenean, Europako Ganberako presidenteak betoa ezartzea erabaki zuen. Aurrez, lehendabiziko euro-aginduarekin, gauza bera egin zuen Antonio Tajani presidenteak.
Ebazpena betetzeko eskaera Auzitegi Gorenari
Horrez gain, David Sassoli Europako Parlamentuko presidenteak Europar Batasuneko Justizia Auzitegiak Oriol Junquerasi buruz eman duen ebazpena betetzeko eskatu dio Espainiako Auzitegi Gorenari.
"Espainiako agintariei ebazpena betetzeko eskatzen diet. Nik dagoeneko eskatu diet Parlamentuko zerbitzu juridikoei azter dezatela ebazpenak gure Parlamentuaren osaeran duen eragina", adierazi du Sassolik Europarlamentuan.
Presidenteak azpimarratu du Justizia europarrak kaleratutako ebazpenak "eurodiputatu izaera aitortzen" diola Junquerasi "izendapena jasotzen duen unean bertan".
"Eskumena duen autoritate nazionalak uste badu neurriari eutsi behar zaiola aipatu pertsonak diputatu izendapena jaso ostean, immunitatea atzera botatzeko eskatu beharko dio lehenbailehen Europako Parlamentuari", gaineratu du Sassolik.
Europako Batzordeak "aintzat" hartu du
Bestalde, Europako Batzordeak esan du Junquerasi buruzko ebazpena "aintzat" hartzen duela, baina gaineratu du Espainiako Auzitegi Gorenari eta Europako Parlamentuari dagokiela erabakiaren "jarraipena egitea".
Christian Wigand bozeramaileak onartu du "Batzordeak erabaki desberdina" hartu zuela kasu beraren aurrean, Europako Batzordeko eta Europarlamentuko zerbitzu juridikoak Espainiaren jarrerarekin bat egin zutelako, baina Europako Justizia Auzitegiaren erabakia errespetatzen duela, "noski".
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.