Torraren inhabilitazioak erreakzio politiko oldea ekarri du
Espainiako Hauteskunde Batzordeak Quim Torra diputatu gisa inhabilitatzea baieztatu ostean, alderdi politikoetako ordezkarien adierazpenak segituan iritsi dira.
Hala, Torraren alderdiak berak, Junts per Catalunyak, salatu du erabakia "aberrazio juridikoa eta demokraziaren aurkako beste eraso bat" izan dela, eta azpimarratu du "Kataluniako presidentea Parlamentak" aukeratzen duela, "ez auzitegiek".
Horren harira, ERCk hauxe adierazi du: "Espainiako Hauteskunde Batzordeak Quim Torraren inhabilitazioa agindu du. Politikaren eta demokraziaren aurkako beste ekintza bat. Zure ondoan gaude, president".
Adriana Lastra PSOEren Kongresuko bozeramaileak esan du "zalantza handiak" dituela Hauteskunde Batzordeak Torra eta Junqueras inhabilitatzeko duen eskumenaren inguruan, eta Auzitegi Gorenak ahal bezain laster erantzutea espero duela.
Lastrak berretsi du Espainiako Hauteskunde Batzordea ez dela "jurisdikzio organoa, administratiboa baizik".
Bestalde, Iñigo Urkullu lehendakariak esan du albisteak "Kataluniako egoera gehiago nahasten eta korapilatzen" duela. Gainera, gogorarazi du erabakia errekurritu egin daitekeela eta "korapiloa askatu eta ez gauzatzea" espero duela.
Arnaldo Otegi EH Bilduren koordinatzaile nagusiak kritikatu du "administrazio organo batek Generalitateko presidentea inhabilitatu izana". Bere ustez, "78ko erregimenaren beste sintoma bat da. Hori bai dela estatu kolpea. Kataluniako herriak soilik jartzen eta kentzen ditu presidenteak. Nire elkartasuna Quim Torra presidentearekin eta Kataluniako herriarekin".
Ines Arrimadas Ciudadanosek Kongresuan duen bozeramaileak txalotu egin du erabakia, baina gaitzetsi egin du, aldi berean, Pedro Sanchez Espainiako jarduneko presidentea independentistekin itunak egiten aritzea.
Iñigo Errejon Mas Paisen buruak Hauteskunde Batzordearen "astakeriaren" kontra egin du, eta bere jardunetik "harago" joan dela salatu du.
Pablo Casado PPren buruak, berriz, Generalitateko presidentea "berehala kargugabetu" beharra dagoela, eta bestela Sanchezek hori egitera "behartu" beharko lukeela adierazi du.
Generalitatearen presidente ohiak, Carles Puigdemontek, "amorragarri eta lotsagarri" jo du inhabilitazio agindua: "155a bezalakoa da, baina Senatutatik pasatu gabe".
Carles Riera CUPen diputatuak kritikatu du Estatuak "jada erantzun" diela "itunei", PSOEk ERCrekin egindako akordioari erreferentzia eginez.
Comunen bozeramaileak, Joan Menak, adierazi du "zigor irmorik ez duen presidente bat inhabilitatzen duen batzordeak" ez lukeela "esku hartu beharko une politiko zail honetan".
Alberto Garzon Izquierda Unidaren (IU) koordinatzaile federal eta Unidas Podemosen diputatuak oso gogor jo du erabakiaren aurka, eta Hauteskunde Batzordea eskuindarren "beso judizial atzerakoia" dela esan du.
ANCri dagokionez, Hauteskunde Batzordeak Generalitatearen presidentea inhabilitatzeko "inolako zilegitasunik ez" duela salatu du, eta elkarretaratzea deitu du Bartzelonan.
Omniumek Estatuaren "mendeku" gisa hartu du erabakia, eta legea manipulatzea leporatu dio.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.